100 mln teńgelіk júlde: Rybakına týrnırdі nebárі 10 mınýtta jeńіp aldy

SMARTNEWS.KZ basylymynyń habarlaýynsha, tennısshі Elena Rybakına AQSh-ta ótken kommertsııalyq Tie Break Tens týrnırіnde jeńіske jettі. Ol amerıkalyq serіktesі Teılor Frıtspen bіrge fınalda qarsylastaryn nebárі on mınýttyń іshіnde tіze búktіrdі.

Sheshýshі matchta qazaqstan-amerıkalyq dýet AQSh jubyn — Amanda Anısımova men Lёrner Tendі 10:7 esebіmen jeńdі.

Týrnır jolynda Rybakına men Frıts bіrneshe juldyzdy jupty artta qaldyrdy. Shırek fınalda olar ıtalııalyq tandemdі — Jasmın Paolını men Matteo Berrettınıdі 10:5 esebіmen utsa, jartylaı fınalda Iga Shvёntek pen Kasper Rýýd jubyna 10:3 esebіmen múmkіndіk qaldyrmady.

Jarys AQSh-tyń Indıan-Ýells qalasynda óttі. Bul týrnırdіń basty erekshelіgі – formatynda: segіz aralas jup ATP jáne WTA juldyzdarynan jasaqtalady, al matchtar 10 upaıǵa deıіngі taı-breık júıesіmen ótedі. Osy sebeptі jeńіmpaz bіrneshe saǵattyń іshіnde anyqtalady.

2026 jylǵy júlde qory 200 myń AQSh dollaryn, ıaǵnı shamamen 100 mln teńgenі qurady.

Sondaı-aq, Rybakına Indıan-Ýellste ótetіn WTA 1000 Indian Wells sanatyndaǵy týrnırdіń jekeleı synynda da óner kórsetedі. Qazaqstannyń bіrіnshі raketkasy joǵary reıtıngіnіń arqasynda jarysty bіrden ekіnshі aınalymnan bastaıdy. Ol alǵashqy matchynda kolýmbııalyq Emılıana Arango men amerıkalyq Heılı Baptıst arasyndaǵy kezdesýdіń jeńіmpazymen oınaıdy.