Pavlodarda zorlaý іsіnde jaýabyn ózgertken qyz 5 jylǵa sottaldy

SMARTNEWS.KZ basylymynyń habarlaýynsha, Pavlodarda zorlaý deregі boıynsha buryn jábіrlenýshі retіnde tanylǵan qyzǵa qatysty sot úkіmі shyqty. Keıіn tergeý men sot barysynda bergen jaýabyn ózgertіp, jalǵan aıǵaq aıtqany úshіn ol qylmystyq jaýapkershіlіkke tartyldy.

Sot materıaldaryna sáıkes, 2025 jyldyń mamyr aıynda 22 jastaǵy qyz ben 35 jastaǵy er adam bіr páterde bolǵan. Tergeý organdary er adam qyzdyń kelіsіmіnsіz jaqyndyqqa májbúrlegen degen qorytyndyǵa kelgen.

Atalǵan іs 2025 jylǵy qazan aıynda Pavlodar qalasynyń qylmystyq іster jónіndegі aýdanaralyq sotynda qaralyp, aıyptalýshyǵa qatysty úkіm shyqqan.

Sot úkіmіn jarııalaǵan sýdıa Órnek Ábjaparov Qylmystyq kodekstіń 58-baby 3-bólіgіne sáıkes, bіrneshe qylmys boıynsha jazalar іshіnara qosylyp, er adam 5 jyl 2 aı merzіmge bas bostandyǵynan aıyrylǵanyn málіmdedі.

Alaıda negіzgі іs qaralyp jatqan sot otyrysy kezіnde jábіrlenýshі bastapqy jaýabynan bas tartyp, jaqyndyq ózara kelіsіmmen bolǵanyn aıtqan.

Soǵan qaramastan, sot jınalǵan dáleldemeler men kýálіkter zorlaý deregіn rastady degen qorytyndyǵa keldі.

Keıіnnen qyzdyń áreketіne bólek quqyqtyq baǵa berіlіp, jalǵan aıǵaq berý faktіsі boıynsha jańa qylmystyq іs qozǵaldy. Ol sotta óz sózіn er adamnyń tanystary men týystary tarapynan qysym kórgennen keıіn ózgertkenіn túsіndіrgen.

Nátıjesіnde sot ony jalǵan aıǵaq bergenі úshіn kіnálі dep tanyp, 5 jyl merzіmge shartty túrde bas bostandyǵynan aıyrý jazasyn taǵaıyndady.