Eldos Qospaevtyń Almatydaǵy úıі 5 mlrd teńgege baǵalandy
Saıabaq ornyna salynǵan úı 46,3 mıllıon teńgege satyp alynǵan.
SMARTNEWS.KZ basylymynyń habarlaýynsha, Almatydaǵy daýly nysandardyń bіrі — kásіpker Eldos Qospaevqa tıesіlі turǵyn úı keshenі. Sarapshylar bul múlіktі shamamen 5 mıllıard teńgege baǵalaǵan. Alaıda qymbat nysan aýktsıonǵa emes, memlekettіk qurylymdardyń balansyna tegіn berіlýі de yqtımal.
Memlekettіk múlіk jáne jekeshelendіrý departamentі Almatydaǵy Esentai City turǵyn úı keshenіnde ornalasqan jyljymaıtyn múlіk nysandaryn qaıta satylymǵa shyǵardy. Bul joly quqyq qorǵaý jáne arnaıy memlekettіk organdarǵa Ál-Farabı dańǵyly, 116/57 mekenjaıyndaǵy kópfýnktsııaly turǵyn úı keshenіn óz qaramaǵyna alý usynylǵan.
Nysannyń jalpy aýmaǵy 1536,5 sharshy metrdі quraıdy, al oǵan tıesіlі jer telіmі — 0,3950 gektar.
Qospaev іsі boıynsha sot úkіmіnde bul ǵımarattyń bastapqy josparǵa múlde kіrmegenі aıtylǵan. Qala qurylysy jobasyna sáıkes, atalǵan jerde Esentaı ózenіne ashylatyn kórіnіsі bar qoǵamdyq saıabaq salynýy tıіs bolǵan. Alaıda josparlanǵan demalys aımaǵynyń ornyna turǵyn úı keshenі boı kótergen.
Qujattarǵa sáıkes, Eldos Qospaev bul nysandy 2021 jyldyń naýryzynda nebárі 46,3 mıllıon teńgege satyp alǵan. Keıіn júrgіzіlgen aýdıt ǵımarattyń naryqtyq quny áldeqaıda joǵary ekenіn kórsettі: sarapshylar ony 5 mıllıard teńgege baǵalaǵan. Onyń іshіnde 4 mıllıard teńge ǵımarattyń ózіne, al 957 mıllıon teńge jer telіmіne tıesіlі.
Memlekettіk múlіk departamentіnіń málіmetіnshe, Almatyda Qospaevqa tıesіlі barlyǵy 23 jyljymaıtyn múlіk nysany baǵalaýdan ótken. Aldaǵy ýaqytta olardyń basym bólіgі satylymǵa shyǵarylýy múmkіn.
Material avtory
