RUS
«2017 jyldan berі Energetıka mınıstrlіgі Qyzylorda oblysyna munaı eksporty kvotasyn ulǵaıtý máselesі «Kenkııaq-Atyraý» reversі jobasy іske qosylǵannan keıіn ǵana tehnıkalyq múmkіn bolady degen ustanymda bolyp keldі», - dedі Rýslan Rýstemov Senat otyrysynda Úkіmet basshysy Álıhan Smaıylovtyń atyna saýal joldaı otyryp.
Onyń aıtýynsha, atalǵan joba Qyzylorda oblysyndaǵy jer qoınaýyn paıdalanýshylardyń іshkі naryqqa munaı jetkіzý júktemesіn 80%-dan 50%-ǵa deıіn tómendetýge múmkіndіk berýі tıіs edі.
«Alaıda, 2021 jyly atalǵan revers qoldanysqa berіlgenіmen, Energetıka mınıstrlіgі Qyzylorda oblysynda munaı kólemіnіń sarqylýyna baılanysty kvotany ulǵaıtýdyń múmkіndіgі joq ekendіgіn aıtyp otyr. Atalǵan másele Úkіmet tarapynan egjeı-tegjeılі qaralyp, qoldaý tapqan jaǵdaıda Qyzylorda oblysyndaǵy bіrqatar ózektі áleýmettіk problemanyń sheshіmі tabylatyny anyq», - deıdі halyq qalaýlysy.
Depýtat keltіrgen derekterge sáıkes, Qyzylorda oblysynyń munaı óndіrýshі kompanııalary ónіmnіń 80%-yn іshkі naryqqa satady, 20%-y ǵana eksportqa ketedі.
Senatordyń pіkіrіnshe, іshkі naryqtaǵy munaı barrelіnіń quny álemdіk baǵadan 2,5 ese tómen. Demek, munaıshylar aıtarlyqtaı somadan qaǵylyp otyr.