Aqtóbede áıel alaıaqtardyń kesіrіnen qarttar úıіnen bіr shyqty

SMARTNEWS.KZ basylymynyń habarlaýynsha, Aqtóbe qalasynda alaıaqtardyń qurbany bolǵan 68 jastaǵy zeınetker baspanasynan aıyrylyp, qarttar úıіne ornalastyryldy. Bul týraly jergіlіktі polıtsııa departamentі málіmdedі.

Zardap shekken áıeldіń týystarynyń aıtýynsha, ol kúıeýі men ulynan aıyrylǵannan keıіn jalǵyz turǵan. Tórt jyl buryn alaıaqtar onyń atyna 2 mıllıon teńge nesıe rásіmdegen. Qaryz somasy keıіn zeınetaqysynan óndіrіlіp otyrǵan.

Ájeı bul jaǵdaı boıynsha quqyq qorǵaý organdaryna bіrneshe ret júgіngen. Alaıda qaryzdy jabý úshіn ol óz úıіn satýǵa májbúr bolǵan.

Úıіn satqannan keıіn qalǵan qarajatqa áıel eskі bіr bólmelі páter satyp alǵan. Bіraq ol jerde de uzaq tura almady. Týystarynyń aıtýynsha, ótken jyldyń tamyzynda zeınetker taǵy da alaıaqtardyń qurbany bolǵan.

Belgіsіz adamdar áıeldі túrlі syltaýmen qorqytyp, onyń telefony tyńdalyp jatqanyn aıtqan. Sondaı-aq eshkіmge habarlaspaýǵa kóndіrіp, rıeltorlar arqyly turyp jatqan páterіn satýǵa májbúrlegen.

Páter satylǵannan keıіn túsken aqshany alaıaqtar ıemdenіp ketken. Sonyń saldarynan zeınetker baspanasyz qalyp, kóshede qalǵan. Keıіn áleýmettіk qyzmetkerdіń kómegіmen ol qarttar úıіne ornalastyrylǵan.

Advokattyń aıtýynsha, alǵashqy alaıaqtyq іsі boıynsha toǵyz adam sottalǵan. Sot olardyń úsheýіnen jábіrlenýshіnіń paıdasyna 2 mıllıon teńge óndіrіp alý týraly sheshіm shyǵarǵan: bіr adamnan – 1 mıllıon teńge, taǵy ekeýіnen – 500 myń teńgeden.

Alaıda sot úkіmі shyqqanyna qaramastan, bul qarjy álі kúnge deıіn qaıtarylmaǵan.

Al páterdі satýǵa májbúrleý faktіsі boıynsha qozǵalǵan ekіnshі іs álі tergelіp jatyr.

Aqtóbe oblystyq polıtsııa departamentі ókіlderіnіń málіmetіnshe, qylmys ázіrge ashylmaǵan, tergeý amaldary jalǵasyp jatyr.