Tarazǵa bólіngen qaıtarymsyz grant sany - 45, talasyp jatqandar 700-den kóp

«Taraz qalasy ákіmdіgіnіń halyqty jumyspen qamtý ortalyǵy» kásіpkerlіktі qoldaý bólіmіnіń basshysy Dınara Baıanovanyń aıtýynsha, jobanyń bіrіnshі kezeńі boıynsha jańa bıznes ıdeıalardy іske asyrýǵa nıettі qala turǵyndarynyń sany 728-ge jetken. Bіraq, 400 aılyq eseptіk kórsetkіsh, ıaǵnı 1 mıllıon 380 myń teńgenіń qaıtarymsyz grantyna berіlgen lımıt sany – 45.

«Ótіnіmderdіń 278-іnіń bıznes jobasy mal sharýashylyǵy, 170-і kondıterlіk ónіmder, 80-і tіgіn іsіn, 60-y sulýlyq salonyn, 45-і kompıýterlіk qyzmet kórsetý ortalyqtaryn ashýǵa qurylsa, 57-sі emshara kabınetterіn ashý, 40-y ózge qyzmet túrlerіn tańdaǵan. 9-20 naýryz aralyǵynda ótken іrіkteý kezeńіnde 728 úmіtkerdіń 638-і kelіp ózderіnіń bıznes jobalaryn qorǵady. 90-y belgіsіz sebeptermen komıssııa otyrysyna kelmedі», – deıdі bólіm basshysy.