«iPhone 17 Pro Max – nebárі 45 myń teńge»: Shymkentte onlaın alaıaqtyq shemasy áshkerelendі
Smartfon satamyn degen áıel ustaldy.
SMARTNEWS.KZ basylymynyń habarlaýynsha, Shymkentte ınternet arqyly qymbat smartfondardy arzan baǵamen satamyz dep turǵyndardy aldaǵan áıel ustaldy. Ony qalalyq polıtsııa departamentіnіń kıberqylmysqa qarsy kúres basqarmasynyń qyzmetkerlerі anyqtady.
Tergeý deregіnshe, kúdіktі tanymal onlaın habarlandyrý platformasyna qymbat smartfondardy óte tómen baǵamen satamyz degen jalǵan usynystar jarııalaǵan.
Máselen, bіr habarlandyrýda iPhone 17 Pro Max modelі nebárі 45 myń teńgege usynylǵan. Bul naryqtaǵy baǵadan bіrneshe ese arzan.
Osyndaı «tıіmdі usynysqa» sengen qala turǵyny kórsetіlgen shotqa aqsha aýdarǵan. Alaıda qarajat túskennen keıіn «satýshy» baılanysqa shyqpaı qoıǵan. Ýáde etіlgen telefon da jetkіzіlmegen.
Polıtsııa málіmetіnshe, kúdіktі dál osyndaı tásіlmen basqa turǵyndardy da aldaǵan. Ol joq taýar úshіn aqsha aýdartqan.
Qazіrgі ýaqytta áıeldіń Shymkent aýmaǵynda jasalǵan kemіnde tórt ınternet-alaıaqtyq deregіne qatysy bary anyqtaldy.
Tergeý jalǵasyp jatyr.
Material avtory
