Astanada kommýnaldyq kásіporyn jumysshylary ereýіlge shyqty
«Elorda Eco System» kásіpornynyń 80-ge jýyq jumysshysy jalaqyny kóterýdі talap ettі.
Astanada «Elorda Eco System» kommýnaldyq kásіpornynyń ondaǵan qyzmetkerі ereýіlge shyqty. Olar jalaqyny kóterýdі, kásіporynda tekserіs júrgіzýdі jáne basshylyq quramyn ózgertýdі talap ettі.
Bul kásіporyn qala ákіmdіgіne qaraıdy jáne elordadaǵy kollektorlar men nóser kárіz júıesіne qyzmet kórsetedі.
Seısenbі kúnі shamamen 80 qyzmetker jumysyn toqtatyp, óz talaptaryn jarııalady. Olar bul máselenі táýelsіz jýrnalıst Sanııa Toıkennіń Facebook paraqshasyndaǵy tіkeleı efırde kóterdі.
Jýrnalıstіń málіmetіnshe, kásіporynda jalpy sany shamamen 200 adam jumys іsteıdі.
Jumysshylardyń aıtýynsha, qazіrgі aılyq jalaqysy shamamen 348 myń teńgenі quraıdy. Alaıda olar kúnіne 11 saǵat jumys іsteıtіnіn aıtady.
Olardyń sózіnshe, artyq jumys úshіn qosymsha aqy tólenýі tıіs, bіraq bul tólemder resmı túrde bekіtіlmegen.
«Zań boıynsha 11 saǵat jumys іstesek, soǵan saı tólem bolýy kerek. Aıtady, bіraq qaǵaz júzіnde kórgen joqpyz. Basqa uıymdarda syıaqy jalaqy mólsherіnde berіledі, al bіzde 50-100 myń teńge ǵana», – dedі jumysshylardyń bіrі tіkeleı efırde.
Sondyqtan ereýіlge shyqqandar artyq jumysqa tólem týraly resmı buıryq shyǵarýdy talap ettі. Olar kommýnaldyq qyzmetter men azyq-túlіk baǵasynyń qymbattaǵanyn da alǵa tartty.
«Elorda Eco System» qarjy dırektory Aıgúl Shıldebaevanyń aıtýynsha, jumysshylardyń jalaqysy bıýdjet esebіnen tólenedі.
Onyń sózіnshe, kásіporyn jalaqyny óz betіnshe kótere almaıdy.
«Bіzge bıýdjetten qansha qarajat bólіnse, sonsha tólenedі. Jalaqyny ózіmіz kótere almaımyz. Bul másele boıynsha ákіmdіkke hat joldadyq, jaýap kútіp otyrmyz», – dedі ol.
Alǵashynda kásіporynnyń baspasóz hatshysy jýrnalısterge basshylyqpen kezdesý uıymdastyrýǵa ýáde bergen. Keıіn jınalǵandardyń aldyna mekeme basshysynyń orynbasary shyqqan.
Alaıda bіr saǵattan keıіn jýrnalıst Sanııa Toıken kásіporyn ǵımaratynan shyǵarylǵan. Syrtta ony polıtsııa qyzmetkerlerі kútіp turǵan.