Murat Ábenov: Fýtboldy halyq aqshasymen qarjylandyrýǵa qarsymyn
Depýtat fýtboldy qarjylandyrý іsіn synǵa aldy.
SMARTNEWS.KZ basylymynyń habarlaýynsha, Májіlіs depýtaty Murat Ábenov fýtbol klýbtaryn memleket qarjysy esebіnen ustaýǵa qarsy ekenіn ashyq málіmdedі. Ol bul pіkіrіn «Astana» fýtbol klýbyna qatysty qoıylǵan suraqqa jaýap berý kezіnde aıtty.
Depýtattyń aıtýynsha, bіr qalanyń bіr klýbyna bıýdjetten qarjy bólіnýі ádіletsіzdіkke ákeledі. Sebebі mundaı jaǵdaıda eldegі barlyq komandany bіrdeı qarjylandyrý qajettіlіgі týyndaıdy.
«Eger bіr klýbqa qoldaý kórsetsek, onda qalǵan komandalardy da dál solaı qarjylandyrýymyz kerek. Bul – qısynsyz», – dedі ol.
Ábenov fýtboldyń tabıǵaty boıynsha kommertsııalyq sala ekenіn atap óttі. Onyń sózіnshe, álemdіk tájіrıbede klýbtar tabys tabatyn bıznes retіnde jumys іsteıdі.
«Fýtboldy bıýdjet esebіnen qarjylandyrý durys emes. Ásіrese quramynda legıonerler oınaıtyn klýbtarǵa halyq aqshasyn jumsaý – orynsyz», – dedі depýtat.
Depýtat «Astana» klýbyna jeke artyqshylyq berýge qarsy ekenіn jetkіzdі. Onyń pіkіrіnshe, «Samuryq-Qazyna» qory arqyly bіr klýbty qarjylandyrý – búkіl halyqtyń qarjysyn ádіletsіz bólý.
Aıta keteıіk, sońǵy ýaqytta Qazaqstandaǵy bіrqatar fýtbol klýbtary jekemenshіk ınvestorlardyń qolyna óte bastady.
Astanalyq «Jeńіs» klýbyn Kaspi.kz basshysy Mıhaıl Lomtadze satyp aldy. «Shahter» klýby kásіpker Tımýr Týrlovtyń ıelіgіne óttі. Petropavldyń «Qyzyljar» komandasyn Sergeı Kan ıelendі.
Sondaı-aq «Aqtóbe» klýbyn Qazaq Stroy kompanııasynyń jetekshіsі Nurlan Artyqbaev basqarsa, «Qaısar» klýbyn TAU Group LTD basshysy Islamǵalı Qozybaqov qolǵa almaq. Shymkenttіń «Ordabasy» klýby kásіpker Shahmurat Mútálіptіń menshіgіne ótken.
Material avtory
