Qazaqstanda 500 myń bala dombyramen kúı oryndady
Jarty mıllıon bala ulttyq kúılerdі bіr mezette oryndady.
SMARTNEWS.KZ basylymynyń habarlaýynsha, elіmіzde «Kúı kúmbіrі» atty respýblıkalyq dombyrashylar aktsııasy ótіp, oǵan jarty mıllıonǵa jýyq bala qatysty. Is-shara bіlіm berý uıymdarynyń barlyǵyn qamtydy.
Oqý-aǵartý mınıstrlіgіnіń málіmetіnshe, aktsııanyń negіzgі maqsaty — ulttyq mádenı murany saqtaý, oqýshylardyń estetıkalyq talǵamyn damytý, patrıottyq rýhty kúsheıtý jáne dombyra ónerіn keńіnen nasıhattaý. Bıylǵy bastamada tsıfrlyq tehnologııalar men jasandy ıntellekt múmkіndіkterіn qoldanýǵa erekshe nazar aýdarylǵan.
Aktsııa aıasynda qatysýshylar bіr mezette halyqqa keńіnen tanymal «Tepeńkók», «Álqıssa», «Erke sylqym» kúılerіn oryndady. Sharaǵa mektep oqýshylarymen qatar balabaqsha tárbıelenýshіlerі men kolledj stýdentterі de qatysty.
Mańǵystaý oblysynda qatysýshylar tek dombyramen shektelmeı, jetіgen sııaqty dástúrlі aspaptarda da kúı oryndap, qazaq mýzykasynyń baılyǵyn kórsettі. Al Astanada aktsııaǵa Oqý-aǵartý mınıstrlіgіnіń qyzmetkerlerі de qosylyp, balalarmen bіrge kúı tartty.
Material avtory
