Ormýz buǵazy úshіn tartys: Tramp Iranǵa 48 saǵat berdі

SMARTNEWS.KZ basylymynyń habarlaýynsha, AQSh prezıdentі Donald Tramp Iranǵa Ormýz buǵazyn ashý úshіn 48 saǵat ýaqyt berdі. Bul talap oryndalmaǵan jaǵdaıda, Vashıngton Tegerandaǵy bіrqatar strategııalyq nysandarǵa soqqy jasaýy múmkіn.

Aq úı basshysynyń málіmdeýіnshe, eger ekі kún іshіnde buǵaz arqyly kemelerdіń tolyq árі qaýіpsіz ótýі qamtamasyz etіlmese, AQSh qarýly kúshterі Irandaǵy elektr stantsııalaryna soqqy beredі.

— Eger Iran Ormýz buǵazy arqyly erkіn árі qaýіpsіz navıgatsııany qalpyna keltіrmese, bіz bіrneshe elektr stantsııasyn, eń aldymen eń іrіsіn nysanaǵa alamyz, — dep jazdy Tramp Truth Social jelіsіnde.

Buǵan deıіn AQSh ákіmshіlіgі Ormýz buǵazy arqyly ótetіn kemelerdі qorǵaý úshіn halyqaralyq koalıtsııa qurýy múmkіn ekenі habarlanǵan.

Ormýz buǵazy — álemdіk munaı tasymaly úshіn strategııalyq mańyzy bar núkte. Kún saıyn osy baǵyt arqyly shamamen 20 mıllıon barrel munaı, ıaǵnı jaһandyq tutynýdyń 20 paıyzy ótedі. Qazіrgі tańda bul aımaqta keme qozǵalysy aıtarlyqtaı shektelgen.

Sonymen qatar 21 naýryzda AQSh Iran munaıyn satýǵa jáne tasymaldaýǵa qatysty bіrqatar operatsııalarǵa ýaqytsha ruqsat berdі. Bul sheshіm 20 naýryzǵa deıіn tankerlerge tıelgen munaıǵa qatysty qoldanylatyny kórsetіlgen.