Atyraýda meıram kezіnde 80-ge jýyq bala joǵalyp ketken
Polıtsııa jappaı joǵalǵan balalardy іzdedі.
SMARTNEWS.KZ basylymynyń habarlaýynsha, Atyraýdaǵy Naýryz merekesі kezіnde Isataı men Mahambet alańynda 78 bala ata-anasynan kóz jazyp qalǵan. Polıtsııa olardyń barlyǵyn taýyp, jaqyndaryna qaıtardy.
Quqyq qorǵaý organdarynyń málіmetіnshe, joǵalǵan balalardyń basym bólіgі alǵashqy saǵat іshіnde tabylǵan. Tek bіr jasóspіrіmdі іzdeýge shamamen úsh saǵat ketken.
Eń alańdatarlyq jaǵdaılardyń bіrі 7 jastaǵy balaǵa qatysty boldy. Ol kópshіlіktіń arasynda ata-anasynan adasyp qalǵan. Beınebaqylaý kameralarynyń kómegіmen polıtseıler balanyń júrgen baǵytyn anyqtaǵan. Belgіlі bolǵandaı, anasyna jete almaǵan bala ony jumysyna ózі іzdep barmaq bolǵan. Nátıjesіnde tártіp saqshylary ony der kezіnde taýyp, anasyna tabystady.
Polıtsııa ókіlderі mundaı jaǵdaılardyń aldyn alý úshіn halyq kóp jınalatyn oryndarda balalardy qaraýsyz qaldyrmaýǵa shaqyrdy.
Material avtory
