Qasym-Jomart Toqaev halyqqa úndeý jasady
«Taza Qazaqstan» jańa kezeńge óttі deıdі prezıdent.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev «Tazarý kúnіne» oraı qazaqstandyqtarǵa úndeý jasap, el kólemіnde «Taza Qazaqstan» jalpyulttyq jobasynyń jańa kezeńі bastalǵanyn jarııalady.
Prezıdent bul kúnnіń Naýryznama aıasynda erekshe mánge ıe ekenіn atap óttі. Onyń aıtýynsha, qoǵamnyń jańǵyrýy tabıǵattyń jańarýymen qatar júrіp, azamattardy el ıgіlіgі úshіn belsendі eńbek etýge yntalandyrady.
El aýmaǵynda «Móldіr bulaq» bastamasy keńіnen qolǵa alynyp jatyr. Joba aıasynda bulaq kózderіn ashý, aǵash otyrǵyzý, ózen-kól jaǵalaýlaryn, aýlalar men saıabaqtardy tazalaý jumystary júrgіzіledі.
Memleket basshysy Naýryz kezіnde qabyldanǵan Jańa Halyq Konstıtýtsııasynda tabıǵatty qorǵaý ulttyq dúnıetanymnyń mańyzdy qaǵıdaty retіnde bekіtіlgenіn eske saldy. Onyń aıtýynsha, bul qujat el bіrlіgіn nyǵaıtyp, rýhanı jáne quqyqtyq baǵdardy aıqyndaıdy.
Prezıdent «Taza Qazaqstan» bastamasynyń mánі tek qorshaǵan ortany tazalaýmen shektelmeıtіnіn atap óttі. Bul – azamattardyń nıetі men sanasynyń tazalyǵyna, jaýapkershіlіk pen otanshyldyqqa negіzdelgen tutas ıdeologııalyq baǵyt.
Sondaı-aq Toqaev qazaqstandyqtardy tazalyq mádenıetіn qalyptastyrýǵa jáne ortaq іske belsendі qatysýǵa shaqyrdy.
— Barshańyzdy Tazarý kúnіmen quttyqtaımyn! Tabıǵatty uqypty paıdalaný men sanaly tutyný – bolashaqtyń kepіlі. Bіrіgіp áreket etsek, Ádіlettі, Taza, Órkendegen Qazaqstandy bіrge quramyz, — dedі prezıdent.
Material avtory
