Depýtat FlyArystan-dy «quldyq erejelerі» úshіn synǵa aldy
Murat Ábenov áýe kompanııasyn zań buzdy dep aıyptady.
SMARTNEWS.KZ basylymynyń habarlaýynsha, Májіlіs depýtaty Murat Ábenov FlyArystan áýe kompanııasyn jolaýshyny reıske otyrǵyzbaý oqıǵasynan keıіn qatań synǵa aldy. Daýdyń ózegі – overbýkıng saldarynan bıletі men tіrkeýі bar jolaýshynyń ushaqqa jіberіlmeýі.
Oqıǵa Óskemen – Astana baǵyty boıynsha reıste bolǵan. Jolaýshynyń aıtýynsha, onyń anasy tіrkeýden ótіp, qolynda jaramdy bılet bolǵanyna qaramastan, ushaqqa kіre almaǵan.
Ábenov bul jaǵdaıdy «barlyq zańdardyń buzylýy» dep baǵalady. Onyń pіkіrіnshe, álemdіk tájіrıbede overbýkıng bar bolǵanymen, jolaýshy quqyqtary naqty qorǵalady. Eger artyq satylǵan bılet saldarynan adam usha almaı qalsa, oǵan qomaqty ótemaqy tólenedі.
Depýtat Qazaqstandaǵy jaǵdaıdy múlde basqa dep sıpattady. Ol FlyArystan kompanııasynyń basshysy Pıter Fosterdіń saıasatyn «quldyqqa jaqyn erejeler» dep atap, mundaı tájіrıbe jolaýshylardyń quqyǵyn aıaqqa taptaıtynyn málіmdedі.
Ábenov Azamattyq avıatsııa komıtetі men vıtse-mınıstr Talǵat Lastaevtan shuǵyl shara qabyldaýdy talap ettі.
Al áýe kompanııasy bul jaǵdaıdy tehnıkalyq sebeptermen túsіndіrdі. FlyArystan málіmetіnshe, Airbus A320 ushaǵyna jospardan tys qyzmet kórsetý merzіmі uzartylyp, onyń ornyna syıymdylyǵy az basqa ushaq paıdalanylǵan. Sonyń saldarynan rastalǵan brondar sany oryn sanynan asyp ketken.
Kompanııa jolaýshylarǵa balama reıster nemese bılet qunyn tolyq qaıtarý usynylǵanyn, sondaı-aq vaýcher túrіnde ótemaqy berіlgenіn habarlady. Áýe tasymaldaýshy mundaı sheshіmder reısterdіń uzaq keshіgýіn boldyrmaý jáne qaýіpsіzdіktі saqtaý úshіn qabyldanatynyn atap óttі.
Material avtory
