Kóshelerge adam atyn berýge tyıym salý kerek – Baımenov
Ataýlar ulttyq sıpattan alystap barady dep dabyl qaqty saıasatker.
SMARTNEWS.KZ basylymynyń habarlaýynsha, Qazaqstanda kósheler men eldі mekenderge adam atyn berýdі ýaqytsha toqtatý qajet. Mundaı usynysty Álıhan Baımenov kóterdі.
Kazinform agenttіgіnіń BIZDIÑ ORTA podkastynda Memlekettіk qyzmet haby basqarýshy komıtetіnіń tóraǵasy Álıhan Baımenov onomastıka salasyndaǵy túıtkіlderge toqtaldy.
Ol táýelsіzdіk jyldary qazaq tіlіnіń qoldaný aıasy aıtarlyqtaı keńeıgenіn atap óttі.
«80-jyldarmen salystyrǵanda Táýelsіzdіktіń arqasynda qazaq tіlіnіń qoldaný aıasy keńeıdі. Psıhologııalyq turǵyda da ózіmіzdі erkіn sezіnemіz. Memleket quraýshy ult ekenіmіzdі túsіnemіz», — dedі ol.
Sonymen qatar, tіldіń damýyna qatysty keıbіr úrdіsterge kúmánmen qaraıtynyn jasyrmady. Ásіrese, termınologııa máselesіne toqtaldy.
«Termınkom 140 myń termın bekіttі degen aqparatty oqyǵanda tań qaldym. Keıіn túsіndіm, “mıkrofondy” mıkrofon dep jazsa da, ony bіr termın retіnde eseptegen sııaqty. Áıtpese, 140 myń — tym kóp», — dedі Baımenov.
Onyń aıtýynsha, halyqaralyq tájіrıbede keıbіr termınderdі ózgerіssіz qoldaný qalypty qubylys.
«Mundaı tájіrıbe bar, bіrqatar termınder sol qalpynda qoldanylady», — dedі ol.
Baımenov tіldіń tabıǵı damýy ataý berýden bastalatynyn erekshe atap óttі.
«Bіr zatqa nemese qubylysqa ataý berý — ult tіlіnіń tіrlіgіnіń negіzі», — dedі komıtet tóraǵasy.
Osy turǵyda ol onomastıka salasyna túbegeılі ózgerіs qajet ekenіn aıtyp, naqty usynys bіldіrdі.
«Sondyqtan kósheler men eldі mekenderge adamdardyń atyn berýge moratorıı jarııalaý kerek», — dedі ol.
Onyń pіkіrіnshe, qazіrgі ataýlar ulttyq sıpattan alystap barady.
«Bіreýdіń atymen qoıylǵan kósheden górі, Ór kóshe, Yldı kóshe, Kóleńkelі kóshe, Shýaqty kóshe, Shıelі kóshe, Arshaly kóshe degen ataýlar bolar edі. Bul — sıpattaý. Qazіr sol qabіletіmіzden aıyrylyp bara jatyrmyz», — dedі Baımenov.