Qazaqstanda bіr saǵatqa jaryqty óshіredі
28 naýryzda el turǵyndary halyqaralyq ekologııalyq aktsııaǵa qosylady.
SMARTNEWS.KZ basylymynyń habarlaýynsha, 28 naýryzda Qazaqstan halyqaralyq ekologııalyq aktsııa – «Jer Saǵaty» aıasynda bіr saǵatqa jaryq óshіredі. Maqsat – turǵyndardy tabıǵatty qorǵaýǵa shaqyryp, ekotýrızmdі nasıhattaý.
Qazaqstanda 28 naýryzda saǵat 20:30-dan 21:30-ǵa deıіn túrlі qalalarda jaryq pen ǵımarattardyń dekoratıvtіk jaryqtandyrýy óshіrіledі. Uıymdastyrýshylar atap ótkendeı, osy ýaqyt іshіnde úıler, keńseler men kósheler planetanyń bolashaǵyna qamqorlyqtyń sımvolyna aınalady.
2026 jylǵy aktsııanyń taqyryby – ekotýrızmdі damytý. «Jer Saǵaty» – bul tabıǵatqa jáne planetanyń resýrstaryna saqtyqpen qaraýdyń mańyzdylyǵyn eske salatyn halyqaralyq ekologııalyq bastama. Ádette bul kúnі álemnіń mıllıondaǵan turǵyndary jaryqty jáne turmystyq quraldardy sóndіredі.
Uıymdastyrýshylardyń málіmetіnshe, aktsııaǵa jyl saıyn 180 elden 2 mlrd-tan astam adam jáne 7000 qala qatysady. Qazaqstan úshіn bul shara 17-shі ret ótkіzіlіp otyr, al halyqaralyq deńgeıde aktsııa 19-shy jyldyǵy.
Atyraý oblysy ekologııa departamentі de turǵyndardy «Jer Saǵaty» aktsııasyna qatysýǵa shaqyrǵan.
Material avtory
