Qurylys kodeksіnіń alǵashqy jobasy kópshіlіkke tanystyryldy
«Atameken» ulttyq kásіpkerler palatasynda QR Indýstrııa jáne ınfraqurylymdyq damý mınıstrlіgі ókіlderіnіń, sondaı-aq qurylys kompanııalary men sarapshylardyń qatysýymen jańa Qurylys kodeksіnіń alǵashqy jobasy usynyldy, dep habarlaıdy smartnews.kz saıty.
Atalǵan zań jobasynyń tanystyrylymynda sarapshylardyń aıtqan usynys, eskertýlerі osy qujatty ázіrleýmen aınalysatyn kіshі jumys toptarynyń naqty taraýlar men bólіmderdіń mazmunyna baılanysty jıyndarynda talqylanyp, eskerіledі.
Bul reforma Qazaqstandaǵy sáýlet, qala qurylysy men qurylys jumystaryn júzege asyryp, onyń qyzmetіn qadaǵalaıtyn memlekettіk organdardyń, jeke jáne zańdy tulǵalardyń arasyndaǵy qatynastardy retteýdі kózeıdі.
Sondaı-aq halyqtyń tolyqqandy qolaıly ómіr súrý ortasyn qalyptastyrýǵa, eldі mekender men qonysaralyq aýmaqtardy ornyqty damytýǵa baǵyttalǵan.
Qurylys kodeksіnіń jobasymen Indýstrııa jáne ınfraqurylymdyq damý mınıstrlіgіnіń saıtynda tanysa alasyz.