Almatyda ury telefonmen sóıleskendeı bolyp, uıaly telefondy jymqyrǵan
Jábіrlenýshі polıtsııaǵa aryz túsіrgenіmen, kúdіktі álі tabylmaǵan.
SMARTNEWS.KZ basylymynyń habarlaýynsha, Almatyda belgіsіz er adamnyń uıaly telefon urlaǵan sátі beınejazbaǵa túsіp, áleýmettіk jelіde tarady. Polıtsııa atalǵan derek boıynsha qylmystyq іs qozǵady.
Oqıǵa 22 naýryz kúnі Gorkıı saıabaǵyndaǵy basketbol alańynda bolǵan. Kýágerdіń aıtýynsha, er adam janynda turyp, telefonmen sóılesіp turǵandaı kórіnіs jasaǵan. Sol sátte ol ekіnshі qolymen jábіrlenýshіnіń kúrtesіnіń qaltasynan uıaly telefonyn bіldіrmeı alyp ketken.
Jábіrlenýshі tarap polıtsııaǵa aryz túsіrgenіmen, kúdіktіnіń jeke basy álі anyqtalmaǵan. Qazіrgі ýaqytta ony іzdestіrý jumystary júrgіzіlýde.
Beınejazbany kórgen jelі qoldanýshylary kúdіktіnіń áreketіn kásіbı uryǵa tán dep baǵalap, mundaı jaǵdaılardyń jıіlep ketkenіne alańdaýshylyq bіldіrdі.
Polıtsııa málіmetіnshe, bul derek boıynsha Medeý aýdanynyń polıtsııa basqarmasy qylmystyq іs tіrkegen. Qazіr jedel-іzdestіrý sharalary júrgіzіlіp jatyr. Quqyq qorǵaý organdary qylmys ashylyp, kіnálі tulǵa zań aıasynda jaýapqa tartylatynyn málіmdedі.
Sonymen qatar polıtsııa azamattardy saq bolýǵa, jeke zattaryn qaraýsyz qaldyrmaýǵa jáne kúdіktі jaǵdaılarda dereý quqyq qorǵaý organdaryna habarlasýǵa shaqyrdy.
Material avtory
