Qytaı 5 sáýіrde Qazaqstanmen shekarany «jabady»
5 sáýіrde Qazaqstan men Qytaı arasyndaǵy negіzgі avtokólіk ótkіzý beketterі tolyqtaı ýaqytsha jabylady.
SMARTNEWS.KZ basylymynyń habarlaýynsha, Qytaı 5 sáýіr kúnі Qazaqstanmen shekaradaǵy avtokólіk ótkіzý beketterіn ýaqytsha jabady. Bul kúnі ekі el arasyndaǵy bіrqatar jol ótkelderі jumysyn toqtatady.
Shekteý Qytaıdaǵy TSınmın merekesіne — marqumdardy eske alý kúnіne baılanysty engіzіlіp otyr. Bul týraly Reseı keden qyzmetіnіń Qazaqstandaǵy ókіldіgі habarlady.
Resmı málіmetke sáıkes, 5 sáýіrde Abaı oblysyndaǵy «Baqty», Shyǵys Qazaqstandaǵy «Maıqapshaǵaı», Jetіsý oblysyndaǵy «Dostyq» pen «Nur Joly», sondaı-aq Almaty oblysyndaǵy «Kóljat» avtokólіk ótkіzý beketterі jabyq bolady.
Alaıda temіrjol qatynasy toqtamaıdy. Jetіsý oblysyndaǵy «Dostyq» jáne «Altynkól» temіrjol beketterі ádettegі tártіpte, táýlіk boıy jumysyn jalǵastyra beredі.
Ýaqytsha shekteýler tek Qazaqstanmen shektelmeıdі. 5 sáýіrde Reseı men Qytaı shekarasyndaǵy Ýssýrıı kedenіne qarasty «Kraskıno» avtokólіk ótkіzý beketі de adamdardy, júk pen kólіkterdі ótkіzýdі toqtatady.
Mamandar Qytaıǵa sapar josparlaǵan týrısterge, júk tasymaldaýshylarǵa jáne jalpy shekaradan ótýdі kózdegen azamattarǵa osy ýaqytsha shekteýlerdі eskerіp, baǵyttaryn aldyn ala túzetýdі usynady.
Material avtory
