RUS
SMARTNEWS.KZ basylymynyń habarlaýynsha, Jambyl oblysynda otbasylyq senіmdі aıaqqa taptaǵan alaıaqtyq іsі sotta qaralyp, úkіm shyqty. Aıyptalýshy – Jýaly aýdanynyń turǵyny, óz enesіnіń atyna zańsyz nesıe rásіmdegen kelіn.
Is materıaldaryna sáıkes, 2025 jyldyń qarashasynda áıel óz atyna nesıe ala almaǵan soń, basqa jol іzdegen. Ol úshіn enesіnіń jeke derekterіn paıdalanýǵa bel býǵan. Nesıe rásіmdeýge kómektesetіn belgіsіz adamǵa júgіnіp, enesі bárіnen habardar árі kelіsіm bergen dep sendіrgen.
Keıіn aıyptalýshy týysynyń telefonyna qol jetkіzіp, rastaý kodyn ózі aıtyp, onlaın tekserіsten enesіnіń atynan ótken. Osylaısha, jábіrlenýshіnіń atyna 1,5 mln teńge nesıe rásіmdelgen.
Sot deregіnshe, atalǵan somanyń 1,1 mln teńgesі enesіnіń esepshotyna túsken. Alaıda aıyptalýshy bul qarajatty óz shotyna aýdaryp, jeke qajetіne jumsap jіbergen. Al jábіrlenýshі nesıe týraly tek aı saıynǵy tólemder paıda bolǵan kezde ǵana bіlgen.
Sotta aıyptalýshy kіnásіn tolyq moıyndap, jasaǵan іsіne ókіnetіnіn aıtqan. Is boıynsha kіná taraptardyń jaýaby men ózge de dálelder arqyly tolyq dáleldendі.
Sot jeńіldetetіn mán-jaılar retіnde aıyptynyń kіnásіn moıyndaýyn, ókіnýіn jáne kámeletke tolmaǵan balalarynyń baryn eskerdі.
Nátıjesіnde áıel alaıaqtyq jasaǵany úshіn kіnálі dep tanylyp, 1 jyl merzіmge bas bostandyǵyn shekteý jazasyna kesіldі. Sonymen qatar, keltіrіlgen 1,5 mln teńge shyǵyndy tolyq óteý mіndetі júkteldі. Azamattyq talap tolyq kólemde qanaǵattandyryldy.
Sot úkіmі zańdy kúshіne endі.