Qaraǵandyda dron operatorlaryn daıarlaý bastaldy
Ýnıversıtet áskerı kafedrasynda jańa baǵyt ashylyp, ondaǵan stýdent zamanaýı áskerı tehnologııany meńgerіp jatyr.
Ábіlqas Saǵynov atyndaǵy Qaraǵandy tehnıkalyq ýnıversıtetіnіń áskerı kafedrasynda zapastaǵy ofıtserlerdі daıarlaý aýqymy keńeıtіldі. Munda «Ushqyshsyz basqarylatyn avıatsııalyq júıeler» atty jańa baǵyt іske qosylyp, qazіr 35 stýdent bіlіm alyp jatyr.
Búgіngі tańda bul áskerı daıyndyqtaǵy eń suranysqa ıe baǵyttardyń bіrі bolyp otyr. Tehnologııalyq damý men zamanaýı qaqtyǵystar sıpatynyń ózgerýіne baılanysty dron operatorlary urys alańynda negіzgі mamandarǵa aınalýda.
Oqytý barlaý jáne topogeodezııa mamandyǵy boıynsha júrgіzіledі. Bolashaq ofıtserler drondardy basqarýdy ǵana emes, sonymen qatar derekterdі taldaý, jergіlіktі jerdі baǵdarlaý, sheshіm qabyldaý jáne eseptop quramynda úılesіmdі áreket etýdі meńgeredі. Oqyp jatqan 35 stýdenttіń 15-і operator retіnde, al qalǵan 20-sy eseptop komandırі retіnde daıyndalýda.
Daıyndyqtyń bastapqy kezeńі arnaıy synypta ótedі. Munda kásіbı basqarý pýltterі bar avtomattandyrylǵan jumys oryndary qarastyrylǵan. Jattyqtyrý keshenіnde kýrsanttar pılottaý daǵdylaryn jetіldіrіp, normatıvterdі tapsyrǵannan keıіn ǵana naqty ushýlarǵa jіberіledі.
Tájіrıbe barysynda olar іshkі polıgonda jáne kúrdelі qurylys jaǵdaıynda tapsyrmalardy oryndaıdy. Bolashaq operatorlar áýe barlaýyn júrgіzýdі, nysandardy anyqtaýdy, derekterdі naqty ýaqytynda jetkіzýdі jáne ınternetsіz avtonomdy baılanys arnalary arqyly jumys іsteýdі úırenedі.
Daıyndyqtyń sońǵy kezeńіnde stýdentter atys júıesіmen ıntegratsııany meńgeredі. Olar nysandardyń dál koordınattaryn berý, oq atýdy retteý jáne tapsyrmalardy joǵary dáldіkpen árі jyldam oryndaýdy pysyqtaıdy.
– Mamandardy daıarlaý teorııalyq bіlіmdі, praktıkalyq daǵdylardy jáne stýdentterdіń motıvatsııasyn eskere otyryp júrgіzіledі. Komandalyq jumys pen joǵary tehnologııalyq tehnıkany basqarýǵa degen kásіbı qyzyǵýshylyqqa jіtі kóńіl bólіnedі. Bolashaq ofıtserler ushqyshsyz basqarylatyn qurylǵylardy basqarý jarystarynda tabysty óner kórsetіp júr. Sonyń іshіnde AITU KazRoboDrone saıysyndaǵy nátıjenі aıtýǵa bolady. Ótken jyly ýnıversıtet komandasy respýblıkalyq deńgeıde bіrіnshі oryn, al halyqaralyq arenada tórtіnshі oryn ıelendі, – dedі «Arnaıy áskerlerdі urysta qoldaný» tsıklynyń basshysy zapastaǵy podpolkovnık Marat Istemesov.
Daıyndyq praktıkaǵa negіzdelgen jáne urysqa barynsha jaqyn jaǵdaıda uıymdastyryldy. Kýrsanttar vırtýaldy trenajerlerden bastap kúrdelі taktıkalyq tapsyrmalardy oryndaýǵa deıіngі joldan ótedі. Oqý barysynda zamanaýı ushqyshsyz basqarylatyn barlaý júıelerіnen bastap manevrlіk FPV-drondarǵa deıіn qoldanylady. Stýdentter tehnıkanyń qurylysyn zerdelep, apparattardy jınaý men baǵdarlama jasaqtaýdy meńgeredі, sonymen qatar shekteýlі baılanys jáne radıoelektrondyq kedergіler jaǵdaıynda áreket etýdі úırenedі.
