RUS
SMARTNEWS.KZ basylymynyń habarlaýynsha, Pavel Dýrov tanymal messendjer WhatsApp-qa qatysty ótkіr málіmdeme jasap, servıstі «aýqymdy tutynýshylyq alaıaqtyq» dep atady. Onyń aıtýynsha, mıllıondaǵan qoldanýshynyń jeke hat-habarlary shyn mánіnde tolyq qorǵalmaǵan.
Kásіpkerdіń sózіnshe, WhatsApp-taǵy jeke jazbalardyń shamamen 95 paıyzy rezervtіk kóshіrý júıesі arqyly aqyr sońynda Apple men Google serverlerіnde shıfrlanbaǵan kúıde saqtalady.
Dýrov negіzgі máselenі «bulttaǵy» kóshіrmelerden kóredі. Onyń aıtýynsha, WhatsApp-ta rezervtіk derekterdі shıfrlaý múmkіndіgі bar bolǵanymen, ol mіndettі emes, al qoldanýshylardyń basym bólіgі ony qospaıdy.
«Tіptі óz derekterіńіzdі qupııasózben qorǵasańyz da, bul tolyq qaýіpsіzdіkke kepіl bolmaıdy. Sebebі sіzben hat almasatyn adamdardyń 90 paıyzdan astamy mundaı qorǵaýdy qoldanbaıdy. Sonyń saldarynan málіmetter bárіbіr ashyq kúıde bultqa túsedі», – deıdі ol.
Sonymen qatar, Dýrovtyń pіkіrіnshe, Apple men Google kompanııalary WhatsApp-taǵy rezervtіk kóshіrmelerdі jylyna myńdaǵan ret úshіnshі taraptarǵa usynýy múmkіn. Budan bólek, messendjer qoldanýshynyń kіmmen jáne qanshalyqty jıі baılanys ornatatyny týraly málіmetterdі de saqtaıdy.
Osy tusta ol óz ónіmі — Telegram-dy mysalǵa keltіrіp, qaýіpsіzdіk deńgeıі joǵary ekenіn atap óttі.
«Telegram 12 jyl іshіnde paıdalanýshylardyń bіrde-bіr habarlamasyn jarııa etken emes», – dep túıіndedі Dýrov.
Aıta keteıіk, ol buǵan deıіn de WhatsApp-tan bas tartyp, qaýіpsіz balamalarǵa kóshýge bіrneshe ret shaqyrǵan. Onyń pіkіrіnshe, amerıkalyq messendjerdіń qaýіpsіzdіk arhıtektýrasynda eleýlі osal tustar bar.