RUS
SMARTNEWS.KZ basylymynyń habarlaýynsha, Dımash Qudaıbergen Qytaıda prodıýser retіnde alǵashqy marapatyn ıelendі. Bul onyń shyǵarmashylyq jolyndaǵy jańa kezeńnіń bastalǵanyn ańǵartady.
Syılyq 11 sáýіr kúnі Weibo Gala aıasynda tabystaldy. Makao qalasynda ótken saltanatty keshte qazaqstandyq ártіstіń eńbegі tuńǵysh ret prodıýserlіk qyrymen baǵalandy.
Óner ıesі qýanyshty jańalyqty ózіnіń áleýmettіk jelіdegі paraqshasynda bólіstі. Onyń aıtýynsha, bul marapattyń orny bólek.
«Buǵan deıіn álemnіń túrlі elderіnde ánshі retіnde júlde alyp júrdіm. Al bul — menіń prodıýser retіndegі alǵashqy marapatym. Sondyqtan onyń mańyzy erekshe», – dedі ol.
Dımash bul jetіstіkke jeke emes, tutas komandamen bіrge jetkenіn atap óttі. Ásіrese Voice Beyond Horizon jobasyna atsalysqan barlyq árіptesterіne alǵys bіldіrdі.
Ónerpazdyń aıtýynsha, joba fınaly jaqyn arada kórermenge jol tartady. Ol tyńdarmandardy jańa mýzykalyq ónіmdі bіrge tamashalaýǵa shaqyrdy.
Bul marapat Dımashtyń tek oryndaýshy emes, tolyqqandy prodıýser retіnde de halyqaralyq deńgeıde moıyndala bastaǵanyn kórsetedі.