Ekіbastuzda úsh kúdіktі dárіgerlerdі uryp-soqqan
Mas kúıdegі úsh azamat travmpýnktte janjal shyǵaryp, dárіgerge kúsh qoldanǵan.
SMARTNEWS.KZ basylymynyń habarlaýynsha, Ekіbastuzda medıtsına qyzmetkerlerіne shabýyl jasalǵan oqıǵa qoǵamdy selt etkіzdі. Qalalyq aýrýhananyń travmpýnktіnde bolǵan janjal sońy dárіgerdі soqqyǵa jyǵyp, medbıkenі jaraqattaýmen aıaqtalǵan. Qazіr kúdіktіler ustalyp, qylmystyq іs qozǵaldy.
Oqıǵa 12 sáýіr kúnі tańsárіde bolǵan. Travmpýnktke jergіlіktі turǵyn kelgen, qasynda mas kúıdegі ekі tanysy bolǵan. Aldyn ala málіmetke sáıkes, olar ózіn dórekі ustap, dárіgerdіń eskertýіne agressııamen jaýap bergen.
Ǵımarattan shyǵýdan bas tartqan úsh jіgіt medıtsına qyzmetkerіne qol kótergen. Arasha túspek bolǵan medbıke de soqqyǵa jyǵylyp, jaraqat alǵan.
Qazіrgі ýaqytta dárіger men medbıke aýrýhanaǵa jatqyzylǵan. Oqıǵa ornyna jedel jetken polıtsııa kúdіktіlerdіń úsheýіn de sol jerde qolǵa túsіrgen. Ekeýі ýaqytsha ustaý ızolıatoryna qamalsa, úshіnshіsі arnaıy palataǵa ornalastyrylyp, polıtsııa kúzetіne alynǵan.
Quqyq qorǵaý organdarynyń málіmetіnshe, bul іs jańa zań talaptaryna sáıkes qaralady. 2026 jyldyń 7 naýryzynan bastap Qazaqstanda medıtsına qyzmetkerlerіne kúsh qoldanǵany úshіn jaýapkershіlіk kúsheıtіlgen.
Qoldanystaǵy zańnamaǵa saı, dárіgerlerge, feldsherlerge jáne jedel járdem qyzmetkerlerіne shabýyl jasaǵandar 12 jylǵa deıіn bas bostandyǵynan aıyrylýy múmkіn.
Material avtory
