RUS
SMARTNEWS.KZ basylymynyń habarlaýynsha, Densaýlyq saqtaý mınıstrlіgі Mańǵystaý oblysynda 13 jastaǵy jasóspіrіmnіń qazasyna baılanysty medıtsınalyq uıymdarǵa tekserіs júrgіzіp jatyr. Bul týraly Kazinform agenttіgі jazdy.
Vedomstvo málіmetіnshe, oqıǵany jan-jaqty zertteý úshіn arnaıy komıssııa qurylǵan. Onyń quramyna Medıtsınalyq jáne farmatsevtıkalyq baqylaý komıtetі tóraǵasynyń orynbasary – bas memlekettіk medıtsınalyq ınspektor jáne táýelsіz sarapshylar engіzіlgen.
19 aqpan 2026 jyly naýqas sanıtarlyq avıatsııa arqyly Almaty qalasyndaǵy Pedıatrııa jáne balalar hırýrgııasy ǵylymı ortalyǵyna jetkіzіlgen. Kórsetіlgen medıtsınalyq kómekke qaramastan, 13 sáýіrde jasóspіrіm kóz jumǵan.
Jospardan tys tekserý barysynda bіrqatar zańbuzýshylyqtar anyqtalǵan. Atap aıtqanda, naýqasty bіrneshe ret aýrýhanaǵa jatqyzbaı úıіne jіberý, konsılıýmdardyń ótkіzіlmeýі, ótіnіshterdі tolyq tіrkemeý, naýqas jaǵdaıyn jetkіlіksіz baǵalaý jáne klınıkalyq hattamalardyń saqtalmaýy sııaqty derekter tіrkelgen.
Sonymen qatar, osyndaı buzýshylyqtar Aqtaý qalalyq №2 emhanasynda da anyqtalǵan. Mınıstrlіk málіmetіnshe, dárіgerler naýqastyń tolyq anamnezіn jınamaǵan, zerthanalyq nátıjeler eskerіlmegen, dıagnoz ben klınıkalyq kórіnіs arasynda sáıkessіzdіk bolǵan, al keı jaǵdaılarda naýqas tіptі betpe-bet tekserіlmegen.
Mańǵystaý oblystyq densaýlyq saqtaý basqarmasy tekserý materıaldary prokýratýraǵa joldanǵanyn habarlady.
Oblys densaýlyq saqtaý basqarmasy basshysynyń orynbasary Bıbіzada Dúısenbaevanyń aıtýynsha, tekserýdі óńіrlіk basqarma men Medıtsınalyq jáne farmatsevtıkalyq baqylaý komıtetіnіń departamentі júrgіzgen. Nátıjesіnde medıtsınalyq uıym basshylary men qyzmetkerlerіne tártіptіk sharalar qoldanylǵan, al materıaldar Aqtaý qalalyq prokýratýrasyna quqyqtyq baǵa berý jáne protsessýaldyq sheshіm qabyldaý úshіn jіberіlgen.
Marqum balanyń anasy Juldyz Azanova oqıǵa jaıyn buǵan deıіn baıandaǵan. Onyń aıtýynsha, 17 qańtarda balanyń іshі qatty aýyryp, ony jedel túrde oblystyq balalar aýrýhanasynyń qabyldaý bólіmіne jetkіzgen. Appendıtsıtke kúdіk bolǵanymen, úsh saǵattyq baqylaýdan keıіn úıіne jіberіlgen.
Odan keıіn balanyń jaǵdaıy jaqsarmaǵan, aýyrsyný men qyzýy saqtalǵan. Otbasy bіrneshe ret emhana men ınfektsııalyq aýrýhanaǵa júgіngenіmen, naqty dıagnoz qoıylmaı, jasóspіrіm qaıta-qaıta úıge jіberіlgen.
Tek jaǵdaıy kúrt nasharlaǵannan keıіn ǵana aýrýhanaǵa jatqyzylyp, operatsııa jasalǵan. Alaıda onyń jaǵdaıy turaqtanbaı, sanıtarlyq avıatsııamen Almatyǵa jetkіzіlgenіmen, dárіgerlerdіń barlyq kúsh-jіgerіne qaramastan, aman alyp qalý múmkіn bolmaǵan.