RUS
SMARTNEWS.KZ basylymynyń habarlaýynsha, Bas prokýratýra men Ishkі іster mınıstrlіgіnіń Interpol qyzmetkerlerі Germanııamen bіrlesіp, asa іrі kólemde alaıaqtyq jasady degen kúdіkke іlіngen sheteldіk azamatty elge qaıtardy.
Tergeý derekterіne sáıkes, kúdіktі 2014 jyly sybaılastarymen aldyn ala kelіsіp, kompıýterlіk tehnıka jetkіzýge kómektesemіn degen jeleýmen qazaqstandyq kásіpkerdі aldap, odan 1 mıllıon AQSh dollaryn ıemdengen.
Qylmystan keıіn ol uzaq ýaqyt boıy jasyrynyp júrgen. Osyǵan baılanysty halyqaralyq іzdeý jarııalanǵan. Tek 2025 jyldyń qyrkúıegіnde kúdіktі Germanııa aýmaǵynda qolǵa túsіp, Qazaqstan tarapynyń suraýy boıynsha ekstradıtsııalanǵan.
Qazіrgі ýaqytta ol tergeý ızolıatoryna qamalyp, іs boıynsha tergeý amaldary jalǵasyp jatyr.
Eger kіnásі dáleldense, kúdіktіge múlkіn tárkіleı otyryp, 10 jylǵa deıіn bas bostandyǵynan aıyrý jazasy taǵaıyndalýy múmkіn.