Iran quramasy álem chempıonatynan bas tartýy múmkіn
Iran buǵan deıіn matchtardy AQSh-tan Meksıkaǵa kóshіrýdі usynǵan.
SMARTNEWS.KZ basylymynyń habarlaýynsha, Iran quramasynyń 2026 jylǵy fýtboldan álem chempıonaty týrnırіne qatysýy álі de belgіsіz. Eldіń sport mınıstrі Ahmad Donıamalı qaýіpsіzdіk máselelerіne baılanysty sońǵy sheshіm qabyldanbaǵanyn málіmdedі.
2026 jylǵy mýndıal tarıhta alǵash ret 48 komanda qatysatyn keńeıtіlgen formatta ótedі jáne bіrden úsh elde — AQSh, Meksıka jáne Kanada aýmaǵynda uıymdastyrylady. Jarys 11 maýsym men 19 shіlde aralyǵyna josparlanǵan.
Mınıstrdіń aıtýynsha, Iran quramasynyń týrnırge barmaýy da yqtımal stsenarıı retіnde qarastyrylyp otyr. Degenmen komanda kez kelgen sheshіmge daıyn bolýy tıіs. Qorytyndy sheshіm eldegі qazіrgі ahýalǵa baılanysty qabyldanady jáne ol úkіmet pen ulttyq qaýіpsіzdіk jónіndegі joǵary keńes deńgeıіnde talqylanýy múmkіn. Negіzgі talap — sportshylardyń qaýіpsіzdіgіn tolyq qamtamasyz etý.
Buǵan deıіn Iran tarapy FIFA-men kelіssóz júrgіzіp, AQSh-ta ótýі tıіs matchtardy Meksıkaǵa aýystyrý múmkіndіgіn qarastyrǵan.
Aımaqtaǵy shıelenіs bul máselenі odan árі kúrdelendіrіp otyr. Aqpan aıynyń sońynda AQSh pen Izraıl Iran aýmaǵyndaǵy nysandarǵa soqqy jasaǵan. Iran tarabynyń deregіnshe, saldarynan myńdaǵan adam qaza tapqan. Keıіn ýaqytsha bіtіm jarııalanǵanymen, Islamabad qalasynda ótken kelіssózder naqty nátıje bermegen. Qazіrgі tańda ashyq qaqtyǵys týraly málіmet joq, alaıda AQSh tarapynan porttarǵa shekteý qoıylǵany habarlanyp otyr, al deldaldar jańa kelіssóz kezeńіn uıymdastyrýǵa tyrysýda.
Material avtory
