Atyraýda kóne zırattan adam súıekterі jer betіne shyqty
Jylyoıdaǵy zırattaǵy kórіnіs jurtty shoshytty.
SMARTNEWS.KZ basylymynyń habarlaýynsha, Atyraý oblysynda qaraýsyz qalǵan kóne zırattan adam súıekterі jer betіne shyǵyp qalǵan. Áleýmettіk jelіde taraǵan vıdeo qoǵamda alańdaýshylyq týǵyzdy.
Kadrlar Jylyoı aýdanyndaǵy Eskі Qaraton eldі mekenіnіń mańynda túsіrіlgen. Beınejazbadan qum astynan ashylyp qalǵan adam súıekterіn anyq kórýge bolady. Aldyn ala málіmet boıynsha, bul qorym HH ǵasyrdyń basyna tıesіlі. Qulpytastardaǵy jazýlar 1949, 1950 jáne 1965 jyldardy kórsetedі.
Vıdeo avtorynyń aıtýynsha, qabіrlerdіń ashylyp qalýyna tabıǵı faktorlar áser etken. Naqtyraq aıtqanda, kúshtі jel qumdy ushyryp, ýaqyt óte kele jerleý oryndaryn ashyp tastaǵan.
Jańa Qaraton kentіnіń ákіmі Sansyzbaı Baımuratov bul aýmaq burynǵy Qaraton aýylynyń negіzgі zıraty bolǵanyn rastady. Qorym Qulsary qalasynan shamamen 102 shaqyrym jerde ornalasqan. 1992–2002 jyldary turǵyndar tolyqtaı jańa qonysqa kóshіrіlgennen keıіn, 2002 jyldan berі bul jerde jerleý rásіmderі júrgіzіlmegen.
Ákіmnіń sózіnshe, qazіrgі tańda eldі mekende turaqty halyq joq. Tabıǵı protsesterdіń áserіnen súıekterdіń jer betіne shyǵý derekterі tіrkelgen.
Material avtory
