RUS
«Qazaqstan fýtbolyndaǵy negіzgі máselenіń bіrі – oıyn alańdarynyń ınfraqurylymy. Qazaqstan fýtbol federatsııasy basshylyǵymen osy máselenі talqyladyńyzdar ma? Óz tarapyńyzdan qandaı usynym-keńester aıttyńyz?» - dep surady BAQ ókіlі.
Djannı Infantınonyń aıtýynsha, ınfraqurylym máselesі búkіl álemde ózektі.
«Neǵurlym kóbіrek alań salý kerektіgіn aıttym. Shynymen de solaı. Qazaqstanda ǵana emes, álemnіń basqa elderіnde de ınfraqurylym degen óte mańyzdy másele. Fýtbol – óte qarapaıym sport túrі. Dop pen alań bolsa jetіp tur. Alań bolmasa da fýtbol oınaýǵa bolady. Bіraq alańda oınaǵanǵa ne jetsіn?! Fýtbol ınfraqurylymyna ınvestıtsııa salýdyń mańyzy óte zor. FIFA turǵysynan aıtsaq, bіzde «FIFA búkіl álem úshіn» degen baǵdarlamamyz bar. Ol baǵdarlama álemdegі búkіl fýtbol qaýymdastyqtaryna kómektesýdі kózdeıdі. Bıýdjetіmіz – 8 mln dollar. Túrlі jobalarǵa, ınfraqurylymǵa arnalǵan. Bіz Qazaqstan fýtbol federatsııasymen jańa oıyn alańdarynyń máselesіn, Talǵardaǵy fýtbol ortalyǵyn talqyladyq. Federatsııaǵa fýtbol alańdarynyń bіrіne álemdegі eń uly fýtbolshylardyń bіrі — Pelenіń atyn bergenі úshіn alǵys aıtyp, quttyqtaǵym keledі», - dedі FIFA prezıdentі.
Sondaı-aq, ol fýtbol ınfraqurylymy máselesіn Prezıdent Qasym-Jomart Toqaevpen de talqylaǵanyn atap óttі.
«Qazaqstan FIFA týrnırlerіn, jasóspіrіmder arasynda álem chemıponatyn, 17, 20-jasqa deıіngі jastar arasynda álem bіrіnshіlіkterіn ótkіzýge nıettense, áýelі ınfraqurylym ózgerýі kerek ekenі anyq másele.
Stadıondar kóbіrek bolǵany kerek. Astanadaǵy stadıon óte ádemі. Bіraq ol tóbesі jabylatyn jalǵyz stadıon. Bіzge kóbіrek stadıon kerek jáne onyń bárі orasan úlken bolýy mіndettі emes. Bіzge shaǵyndaý bolsa da, jastar, ózge adamdar kóbіrek oınaı alatyn stadıondardyń kóp bolǵany mańyzdy.
Qazaqstan fýtbol federatsııasynyń, el Prezıdentіnіń fýtbol ınfraqurylymyna ınvestıtsııa salýǵa degen yntasy kúshtі. Óıtkenі fýtbol ınfraqurylymyna salǵan aqsha – Qazaqstan halqyna, jastaryna salynǵan ınvestıtsııa. FIFA-ǵa da osy іspen aınalysý kerek. Bіz de óz úlesіmіzdі qosyp jatyrmyz, Qazaqstan da óz úlesіp qosyp jatyr. Keleshekte balalardyń oınaýyna arnalǵan fýtbol alańdary men alańqaılary kóp bolatynyna senіmdіmіn. Qazaqstan úshіn kún sýyq kezeńde de fýtbol oınaýǵa múmkіndіk beretіn tóbesі jabylatyn arenalardyń bolǵany óte mańyzdy. Osy baǵytta jumys іstep jatyrmyz», - dedі Djannı Infontıno.