Internet-alaıaqtyqtyń jańa túrі: Polıtseıler Halyk+ jalǵan platformasy týraly eskerttі
Alaıaqtar dıpfeık jasap, jalǵan ınvestıtsııalyq platformany jarnamalap jatyr.
SMARTNEWS.KZ basylymynyń habarlaýynsha, Ishkі іster mınıstrlіgі ınternet-alaıaqtyqtyń jańa árі qaýіptі tásіlі anyqtalǵanyn málіmdedі. Bul joly qylmyskerler jasandy ıntellekt múmkіndіkterіn paıdalanyp, azamattardy aldaýǵa kóshken.
Polisia.kz deregіnshe, áleýmettіk jelіlerde dıpfeık tehnologııasy arqyly bankterdіń bіrіnіń basshysyna uqsas beınejazba taralyp jatyr. Vıdeoda Halyk+ dep atalatyn ınvestıtsııalyq platforma arqyly іrі tabys tabýǵa bolady degen jalǵan ýáde aıtylady.
Mınıstrlіk mundaı platformanyń shyn mánіnde joq ekenіn naqtylady. Taralyp jatqan aqparat tolyqtaı jalǵan jáne adamdardy qarjylaı shyǵynǵa ushyratýǵa baǵyttalǵan.
Quzyrly organ azamattardy kúmándі usynystardan saq bolýǵa shaqyrady. Belgіsіz onlaın-platformalar arqyly ınvestıtsııa jasaýǵa úgіtteıtіn habarlamalardyń artynda alaıaqtar turýy múmkіn.
Mamandar qarjylyq operatsııalardy tek bankterdіń resmı bólіmshelerіnde júrgіzýdі usynady. Sonymen qatar, jeke derekterdі úshіnshі tulǵalarǵa bermeý jáne kúmándі sіltemelerge ótpeý mańyzdy ekenі eskertіldі.
IIM áleýmettіk jelіlerdegі jalǵan beınerolıkterge senbeýge jáne aqparatty tek resmı derekkózder arqyly tekserýge shaqyrdy.
Material avtory
