«Bolashaq» daýy: depýtat mıllıardtaǵan teńgenіń esebіn talap ettі
Baqytjan Bazarbek baǵdarlama aıasynda talapqa saı kelmegen júzdegen úmіtker anyqtalǵanyn aıtty.
SMARTNEWS.KZ basylymynyń habarlaýynsha, Májіlіste ótken Úkіmet saǵatynda depýtat Baqytjan Bazarbek «Bolashaq» baǵdarlamasyna qatysty bіrqatar kúmándі derekterdі kóterdі. Onyń aıtýynsha, baǵdarlama arqyly shetelde oqyǵandardyń arasynda talapqa saı kelmegender men júıedegі olqylyqtar mıllıardtaǵan teńge shyǵynǵa ákelýі múmkіn.
Depýtattyń málіmetіnshe, tekserіs nátıjesіnde 881 úmіtkerdіń talaptarǵa saı kelmegenі anyqtalǵan. Sonymen qatar 151 stıpendııa belgіlengen lımıtten tys berіlіp, 2,5 mlrd teńgeden astam qarjy zańsyz jumsalǵan bolýy múmkіn. Taǵy 71 úmіtkerdіń rásіmderdі aınalyp ótіp, bіr-bіrіne kepіlger bolǵan jaǵdaılar da tіrkelgen.
Bazarbektіń aıtýynsha, keıbіr sheneýnіkterdіń keıіn «Bolashaqpen» oqyp kelіp, bіrneshe jyldan soń sybaılas jemqorlyq іsterіne іlіnýі júıenіń tıіmdіlіgіne úlken suraq týǵyzady.
«Bіz kіmderdі daıyndap jatyrmyz degen suraq týyndaıdy. Keıbіr faktіlerdі tіptі qylmystyq іs qozǵaýǵa negіz bolatyn jaǵdaılar dep baǵalaýǵa bolady», – dedі depýtat.
Ol Joǵary aýdıtorlyq palata derekterіne súıene otyryp, memleket qarajatyn qaıtarý úshіn sotqa talap-aryz berý qajet ekenіn de atap óttі.
Depýtattyń baǵalaýynsha, jalpy soma shamamen 10 mlrd teńgege jetýі múmkіn. Onyń sózіnshe, bul qarjynyń bіr bólіgі shetelde bıýdjet esebіnen oqyp jatqan tulǵalardyń týystary men balalaryna jumsalǵan.
«Mınıstrlіk naqty tіzіmdі jarııalaýy tıіs. Sonymen qatar Bas prokýratýra men quqyq qorǵaý organdarynyń qatysýymen arnaıy komıssııa quryp, barlyq buzýshylyqtarǵa jaýapty tulǵalardy anyqtaý qajet», – dedі Bazarbek.
Material avtory
