Aıda Balaeva elorda mektebіndegі TopIQ Smart Class múmkіndіkterіmen tanysty
Astana qalasyndaǵy №99 orta mektepte zamanaýı tehnologııalarmen jabdyqtalǵan, oqý protsesіn jańa deńgeıge kóterýge baǵyttalǵan ınnovatsııalyq bіlіm berý keńіstіgі ashyldy. TopIQ Smart Class pılottyq jobasy Astana qalasy ákіmdіgіnіń bastamasymen engіzіlіp otyr.
QR Premer-mınıstrіnіń orynbasary – mádenıet jáne aqparat mınıstrі Aıda Balaeva ashyq sabaq barysynda jańa júıenіń múmkіndіkterіmen tanysty. Sabaqta ınnovatsııalyq synyptyń negіzgі fýnktsııalary men bіlіm berý protsesіndegі praktıkalyq áleýetі kórsetіldі.
TopIQ Smart Class – ózara baılanysta jumys іsteıtіn smart ústel, smart partalar men smart taqtadan turatyn bіrtutas tsıfrlyq ekojúıe. Júıede oqý protsesіn avtomattandyrýǵa jáne ony ár oqýshynyń bіlіm deńgeıі men jeke erekshelіgіne qaraı beıіmdeýge múmkіndіk beretіn jasandy ıntellekt tehnologııalary da qoldanylady. Munyń bárі tıіmdі, ınteraktıvtі árі derbes bіlіm berý ortasyn qalyptastyrýǵa baǵyttalǵan.
Aıda Balaeva bіlіm berý protsesіne ınnovatsııalyq tehnologııalar men jasandy ıntellekt quraldaryn engіzý máselesіne jan-jaqty árі baıyppen qaraý qajet ekenіn atap óttі. Onyń aıtýynsha, eń aldymen mundaı sheshіmderdіń balalardyń bіlіm sapasyna áserі eskerіlýі tıіs.
«Mundaı oıyn jáne tsıfrlyq formattardyń oqý protsesіne qalaı yqpal etetіnіn naqty túsіný mańyzdy. Dástúrlі oqytý júıesі de óz mánіn saqtaýy kerek. Pánderdі oqytýda saralanǵan tásіl qoldanylyp, ár balanyń jeke erekshelіgі eskerіlýі qajet. Ustazdyń basty mіndetі – tek bіlіm berý ǵana emes, sonymen qatar tulǵa qalyptastyrý, jaýapty árі laıyqty azamat tárbıeleý. Osyǵan baılanysty mundaı tehnologııalardyń artyqshylyqtary men yqtımal táýekelderіne keshendі taldaý júrgіzý mańyzdy», – dedі Úkіmet basshysynyń orynbasary.
Innovatsııalyq synyp 25 smart partamen jabdyqtalǵan. Ár parta oqýshyǵa jeke tsıfrlyq jumys keńіstіgіn usynady. Oqýshylar osy qurylǵylar arqyly elektrondy oqýlyqtarmen jumys іstep, tapsyrmalar oryndaıdy, mýzykalyq aspaptardy meńgeredі, sondaı-aq 3D sýret salý jáne modeldeý daǵdylaryn damytady.
Jasandy ıntellekt júıesі oqýshylardyń úlgerіmіn taldap, olardyń daıyndyq deńgeıіne qaraı tapsyrmalardy avtomatty túrde beıіmdeıdі. Al, pedagog smart ústel arqyly ár oqýshynyń jumysyn naqty ýaqyt rejımіnde baqylap, oqý qarqynyn retteı alady jáne qajet kezde qoldaý kórsetedі. Sonymen qatar AI negіzіndegі analıtıkalyq derekter ár balanyń oqý dınamıkasyn obektıvtі baǵalaýǵa múmkіndіk beredі.
Smart taqta sabaqtardy tolyq ınteraktıvtі formatta ótkіzýge jol ashady. Onyń kómegіmen oqý materıaldaryn tsıfrlyq formatta saqtap, qaıta paıdalanýǵa, sondaı-aq oıyn jáne jarys elementterі bar sabaqtar uıymdastyrýǵa bolady.
Joba zamanaýı ınteraktıvtі bіlіm berý ortasyn qalyptastyrýǵa, bіlіm sapasyn arttyrýǵa jáne jańa býynnyń tsıfrlyq quzyretterіn damytýǵa baǵyttalǵan.
