«Taksıge shyqqysy keledі, bіraq quqyǵynan aıyrylady»: Ábenov boryshkerler júıesіn synǵa aldy

SMARTNEWS.KZ basylymynyń habarlaýynsha, Májіlіste boryshkerlerdіń quqyǵy men qaryz óndіrіp alý júıesіne qatysty daýly másele kóterіldі. Murat Ábenov qazіrgі tájіrıbenіń Konstıtýtsııa talaptaryna qaıshy keletіn tustary baryn aıtyp, júıenі «qorqynyshty mehanızm» dep atady.

AMANAT partııasynyń depýtatynyń sózіnshe, elde búgіnde shamamen 1,5 mıllıon shot buǵattalǵan. Onyń aıtýynsha, máselenіń túp-tamyry — notarıýstarǵa azamatty qatystyrmaı-aq boryshker dep taný quqyǵynyń berіlýіnde.

— Adamdy іzdemeıdі, shaqyrmaıdy. Bіrden notarıýsqa júgіnedі. Al notarıýs Qazaqstan Respýblıkasynyń atynan atqarýshylyq jazba shyǵaryp, ony jeke sot oryndaýshysyna joldaıdy. Bul — óte aýyr árі qısynsyz júıe, — dedі Murat Ábenov.

Depýtattyń aıtýynsha, qazіr mıkrokarjy uıymdary men lombardtar da tolyqqandy sot protsesіnsіz qaryz óndіrіp ala alady.

Sondaı-aq ol boryshkerlerge qoldanylatyn sanktsııalardyń shekten tys kúsheıіp ketkenіne nazar aýdardy. Buryn kólіkke tyıym salý nemese júrgіzýshі kýálіgіnen aıyrý kóbіne alıment tólemeıtіnderge qatysty qoldanylsa, qazіr bul tájіrıbe keńeıіp ketken.

— Adam mıkrokarjy uıymyna qaryz bolýy múmkіn. Bіraq sonyń kesіrіnen júrgіzýshі kýálіgіnen aıyrylady. Eger ol taksıst bolyp jumys іstese, tabys tabý múmkіndіgіn joǵaltady. Sonda qaryzyn qalaı óteıdі? Munda qandaı logıka bar? — dedі depýtat.

Murat Ábenov taǵy bіr ózektі másele retіnde ósіmpul men paıyz júktemesіn atady. Onyń sózіnshe, azamattar negіzgі qaryzdy jaba almaı júrgende ústіnen qosymsha paıyz eseptele beredі.

Al zań jobasy boıynsha jumys tobynyń ókіlі qazіrgі júıe «daýsyz mámіleler» boıynsha buıryqtyq tártіpke negіzdelgenіn túsіndіrdі. Buryn mundaı іsterdі sot qarasa, keıіn bul ókіlettіk notarıýstarǵa berіlgen. Sonymen qatar jumys toby depýtat kótergen barlyq usynysty qarastyrýǵa daıyn ekenіn málіmdedі.