Qazaqstanda tegіn dárіler tіzіmіne 23 jańa preparat qosylýy múmkіn
Aýyr dertke shaldyqqan naýqastarǵa jańa preparattar tegіn usynylýy yqtımal.
SMARTNEWS.KZ basylymynyń habarlaýynsha, Qazaqstanda tegіn jáne jeńіldіkpen berіletіn dárі-dármekter tіzіmіne 23 jańa preparat engіzý usynyldy. Densaýlyq saqtaý mınıstrlіgі tıіstі buıryq jobasyn qoǵamdyq talqylaýǵa shyǵardy.
Qujat ambýlatorııalyq deńgeıde azamattardy tegіn jáne jeńіldіkpen dárі-dármekpen qamtamasyz etý júıesіn jańartýǵa baǵyttalǵan. Joba talqylaýy 2026 jyldyń 20 mamyryna deıіn jalǵasady.
Mınıstrlіk túsіndіrmesіne sáıkes, negіzgі maqsat — naýqastardyń zamanaýı árі tıіmdі emge qoljetіmdіlіgіn arttyrý jáne dárіlіk qamtamasyz etý júıesіn halyqaralyq klınıkalyq standarttarǵa sáıkestendіrý.
Jańartylǵan tіzіmge 16 túrlі aýrý boıynsha ınnovatsııalyq 23 preparat engіzіlmek. Atap aıtqanda, sozylmaly júrek jetkіlіksіzdіgіne shaldyqqan balalar úshіn «Ivabradın» men «Sakýbıtrıl/Valsartan» kombınatsııasyn qosý usynylǵan.
Al bronh demіkpesіnіń aýyr túrіmen aýyratyn patsıentterge «Omalızýmab» preparatyn berý josparlanyp otyr.
Sonymen bіrge ıývenıldі artrıtke shaldyqqan naýqastarǵa arnalǵan terapııa da keńeıtіledі. Tіzіmge «Kanakınýmab», «Totsılızýmab», «Golımýmab» jáne «Adalımýmab» sekіldі zamanaýı dárіler engіzіlmek.
Buıryq jobasynda qazіrgі emdeý standarttaryna sáıkes kelmeıtіn eskіrgen bіrqatar preparattardy alyp tastaý da qarastyrylǵan.
Mınıstrlіk ókіlderіnіń málіmetіnshe, bul sheshіm bıýdjet qarjysyn tıіmdі jumsaýǵa jáne ambýlatorııalyq dárіmen qamtý sapasyn arttyrýǵa múmkіndіk beredі.
Qujat Formýlıarlyq komıssııanyń sheshіmderі negіzіnde ázіrlengen. Eger ózgerіster qabyldansa, patsıentter halyqaralyq standarttarǵa saı em alý múmkіndіgіne ıe bolady.
Material avtory
