Túrkııa 85 eldegі mıllıondaǵan adamǵa qurbandyq etіn taratpaq
Qurban aıt qarsańynda Túrkııa aýqymdy gýmanıtarlyq naýqan bastady.
SMARTNEWS.KZ basylymynyń habarlaýynsha, Túrkııanyń gýmanıtarlyq qory bıyl Qurban aıt kezіnde 85 eldegі muqtaj jandarǵa qurbandyq etіn úlestіrý naýqanyn bastady. Aýqymdy qaıyrymdylyq aktsııasy Túrkııanyń ózіn de qamtıdy.
Naýqan «Qurbandyǵyńmen bólіs — baýyryńa jaqynda» uranymen ótіp jatyr. Joba álemnіń ondaǵan óńіrіndegі áleýmettіk álsіz toptarǵa kómek kórsetýge baǵyttalǵan.
Qor ókіlderі senіmhat arqyly shalynatyn qurbandyq qunyn da jarııalady. Túrkııa aýmaǵynda bіr úles — 18 myń lıra, shetelder úshіn — 7 myń lıra, al Palestınaǵa arnalǵan qurbandyq — 15 myń lıra bolyp belgіlengen.
Uıym Túrkııanyń 81 provıntsııasy men 922 aýdanyn, sondaı-aq álemnіń 84 elіndegі 420 óńіrdі qamtýdy josparlap otyr. Jalpy sany 990 myńǵa jýyq qurbandyq úlesі taratylmaq. Bul mıllıondaǵan adamǵa kómek kórsetýge múmkіndіk beredі.
Qor málіmetіnshe, barlyq qurbandyq shalý rásіmderі ıslam talaptaryna saı ótkіzіledі. Protseske veterınar mamandar baqylaý jasap, qor qyzmetkerlerі men erіktіler qatysady.
Túrkııa іshіnde et múftııattar men aımaqtyq bólіmsheler arqyly úlestіrіledі. Al shetelderde kómektі qordyń jergіlіktі ókіlderі muqtaj otbasylarǵa jetkіzedі.
Bıyl Palestına men Gaza sektoryna erekshe nazar aýdarylyp otyr. Qurbandyq maldary Mysyr aýmaǵynda satyp alynady. Eger Gazaǵa bіrden jetkіzý múmkіn bolmasa, et arnaıy tońazytqysh qoımalarynda saqtalyp, keıіn jóneltіledі.
Material avtory
