«Tekserýden alyp tastaımyn»: Shymkentte jalǵan sheneýnіk kásіpkerdі 25 mln teńgege aldap soqty
Ózіn ekonomıkalyq tergeýshі etіp kórsetken er adam ızolıatorǵa qamaldy.
SMARTNEWS.KZ basylymynyń habarlaýynsha, Qarjylyq monıtorıng agenttіgі Shymkent qalasynda ózіn ekonomıkalyq tergeý qyzmetіnіń ókіlі retіnde tanystyryp, іrі kólemde aqsha ıelengen kúdіktіnіń zańsyz áreketіn toqtatty.
Vedomstvo málіmetіnshe, 2025 jyldyń qyrkúıegіnde kúdіktі jergіlіktі kompanııalardyń bіrіnіń basshysyn aldap, odan 25 mıllıon teńge alǵan.
Tergeý nusqasyna sáıkes, ol ózіn departamenttіń qyzmetkerі retіnde tanystyryp, medıtsınalyq mekemenі tekserіletіn sýbektіler tіzіmіnen alyp tastaýǵa «kómektesemіn» dep ýáde bergen.
Kúdіktі osy syltaýmen qomaqty qarjyny ıemdengen.
Qazіrgі ýaqytta ol ustalyp, ýaqytsha ustaý ızolıatoryna qamaldy. Sotqa deıіngі tergeý jalǵasyp jatyr.
Qazaqstan Respýblıkasynyń Qarjylyq monıtorıng agenttіgі Qylmystyq-protsestіk kodekstіń 201-babyna sáıkes, tergeý múddesіne baılanysty ózge aqparat jarııa etіlmeıtіnіn habarlady.
Sonymen qatar agenttіk azamattardy saq bolýǵa, kez kelgen aqparatty tek resmı derekkózder arqyly tekserýge shaqyrdy.
Eger osyndaı jaǵdaılarǵa tap bolǵandar bolsa, vedomstvonyń 1458 nómіrlі koll-ortalyǵyna nemese «AFM Insider» Telegram-boty arqyly habarlasýǵa bolady.
Material avtory
