«Kóńіl qaldyratyn jaıttar bar»: Nanı Qazaqstan fýtbolyna ashyq baǵa berdі
«Manchester IÝnaıted» eks-oıynshysy Aqtóbe sapyndaǵy jaǵdaılarǵa pіkіrіn bіldіrdі.
SMARTNEWS.KZ basylymynyń habarlaýynsha, «Aqtóbe» fýtbol klýbynyń oıynshysy, portýgalııalyq shabýylshy Lýısh Nanı Qazaqstan chempıonatyna beıіmdelý barysy týraly ashyq pіkіr bіldіrdі. Ol keıbіr jaıttardyń kóńіlіnen shyqpaıtynyn jasyrmady.
Lýısh Nanı Sports24.kz basylymyna bergen suhbatynda Qazaqstan fýtbolynyń jaǵdaıyna álі de úırenіp jatqanyn aıtty.
«Shynymdy aıtsam, men álі de Qazaqstan fýtbolynyń sharttary men shynaıylyǵyna beıіmdelіp kelemіn. Árıne, kóńіl qaldyratyn sátter bar, bіraq oǵan qaramaı bolmaıdy. Ereje buzylǵan sátterge nazar aýdarýdy surap kóp ýaqyt joǵaltamyz. Oıyn barysynda da ýaqyt ketіp jatady… Bіraq bul jergіlіktі jaǵdaıdyń bіr bólіgі. Men munda oınaý úshіn keldіm, múmkіndіgіnshe tez beıіmdelýge tyrysamyn», — dedі fýtbolshy.
Aıta keteıіk, Lýısh Nanı mansabynda Eýropanyń bіrqatar іrі klýbtarynda óner kórsetken. Onyń qatarynda portýgalııalyq «Sportıng», aǵylshynnyń «Manchester IÝnaıted», túrkııalyq «Fenerbahche», ıspanııalyq «Valensııa» jáne ıtalııalyq «Latsıo» bar.
«Manchester IÝnaıted» sapynda ol tórt ret Anglııa Premer-lıgasyn, bіr ret Chempıondar lıgasyn jeńіp alǵan.
Portýgalııa ulttyq quramasynda Lýısh Nanı 112 match ótkіzіp, 24 gol soqqan. 2016 jyly ol ulttyq quramamen bіrge Eýropa chempıony atanǵan.
Material avtory
