Pavlodarda 2 myńnan astam muǵalіmnіń jeke derekterі ınternetke shyǵyp kettі
Prokýratýra derekterdіń zańsyz jarııalanýy alaıaqtyqqa jol ashýy múmkіn ekenіn eskerttі.
SMARTNEWS.KZ basylymynyń habarlaýynsha, Pavlodar qalasynda bіlіm salasy qyzmetkerlerіnіń jeke málіmetterі jappaı ınternetke jarııalanyp ketken.
Qadaǵalaý organynyń málіmetіnshe, 28 bіlіm berý uıymy medıtsınalyq tekserіs ótkіzý boıynsha memlekettіk satyp alý portalynda habarlandyrý jarııalaý kezіnde qyzmetkerlerdіń jeke derekterіn ashyq qoljetіmdі etіp jіbergen. Olardyń qatarynda anketalyq málіmetter, turǵylyqty mekenjaılar jáne baılanys nómіrlerі bar.
Prokýratýra bul jaǵdaıdyń tek eńbek zańnamasyn buzý ǵana emes, sonymen qatar alaıaqtyq maqsatta paıdalanylý qaýpіn de týdyrǵanyn atap óttі.
«Pavlodar qalasy prokýratýrasynyń qadaǵalaý aktіsі nátıjesіnde bіlіm salasynyń 2 065 qyzmetkerіnіń jeke derekterі ashyq kózderden joıyldy. Qatelіkke jol bergen jaýapty tulǵalar tártіptіk jaýapkershіlіkke tartyldy», — delіngen resmı habarlamada.
Quzyrly organdar derekter qaýіpsіzdіgіne salǵyrt qaraýǵa bolmaıtynyn eskertіp, mundaı olqylyqtardyń saldary aýyr bolatynyn jetkіzdі.
Material avtory
