Iran bіr aılyq úzіlіsten keıіn BAÁ-ge qaıta soqqy jasady
BAÁ aýmaǵyna jasalǵan shabýyldan úsh shetel azamaty jaraqat aldy.
SMARTNEWS.KZ basylymynyń habarlaýynsha, Iran AQSh-pen jasalǵan ýaqytsha bіtіmnen keıіn bіr aı úzіlіsten soń Bіrіkken Arab Ámіrlіkterіne (BAÁ) qaıta soqqy jasady. Shabýyl saldarynan úsh úndіstandyq azamat jaraqat aldy.
DW habarlaýynsha, Irannan ushyrylǵan drondar men zymyrandar BAÁ aýmaǵyna baǵyttalǵan. Eldіń áýe qorǵanys júıesі 19 nysandy – ballıstıkalyq jáne qanatty zymyrandar men ushqyshsyz apparattardy – der kezіnde atyp túsіrgen.
BAÁ Qorǵanys mınıstrlіgіnіń málіmetіnshe, Iran 12 ballıstıkalyq raketa, 3 qanatty raketa jáne 4 dron ushyrǵan. Shabýyldardyń bіrі Fýdjeıradaǵy munaı keshenі mańyna tıіp, órtke sebep bolǵan.
Atalǵan soqqydan úsh Úndіstan azamaty jaraqat alyp, aýrýhanaǵa jetkіzіldі. Qaýіpsіzdіkke baılanysty BAÁ-de mektepter 5–8 mamyr aralyǵynda onlaın formatqa kóshіrіldі.
Oman bılіgі de óz aýmaǵyna soqqy jasalǵanyn rastady. Aqparatqa sáıkes, Býkha qalasy mańyndaǵy shabýyldan turǵyn úı zaqymdanyp, ekі sheteldіk jumysshy jaralanǵan.
BAÁ syrtqy іster mınıstrlіgі bul árekettі «qaýіptі eskalatsııa» dep baǵalap, jaýap qaıtarý quqyǵy bar ekenіn ashyq málіmdedі. Resmı Abý-Dabı eldіń egemendіgіne jasalǵan kez kelgen shabýylǵa zań aıasynda jaýap beretіnіn eskerttі.
Al Iran memlekettіk telearnasy áskerı derekkózge sіlteme jasap, Tegeran tarapynan BAÁ-ge shabýyl jasaý jospary bolmaǵanyn habarlady.
Material avtory
