Endі azamattar sanatorııde emdelý úshіn qajet medıtsınalyq qorytyndyny EGov portalynan ala alady

«Azamattar «Sanatorıı-kýrorttyq emdeý qajettіlіgі týraly qorytyndy berý» qyzmetіnіń arqasynda sanatorıı-kýrorttyq emdelýge qorytyndy alý úshіn elektrondyq ótіnіm bere alady. Ótіnіsh bergen kezde jіberіlgen dıagnozǵa sáıkes klınıkalyq-dıagnostıkalyq zertteýler nátıjelerіnіń elektrondyq kóshіmesі bolýy qajet», - delіngen portaldyń resmı saıtynda jarııalanǵan habarlamada.

Al, aldyn ala mіndettі medıtsınalyq tekserýden ótý qyzmetіn myna sanattaǵy azamattar ala alady:

- dárіhanalardyń, farmatsevtıkalyq uıymdardyń qyzmetkerlerі;

- qyzmet kórsetý salasynyń qyzmetkerlerі (monsha, saýna, shashtaraz, sulýlyq salondary, kіr jýatyn oryndar, hımııalyq tazalaýshylar), basseınder men gıdropatııalar, balshyq vannalar, sporttyq-saýyqtyrý uıymdarynyń jumysshylary;

- qan qyzmetі uıymdarynyń medıtsına mamandary, hırýrgııalyq, gınekologııalyq, akýsherlіk, gematologııalyq, stomatologııalyq profılder men medıtsına qyzmetkerlerі;

- mektepke deıіngі uıymdardyń, mektep-ınternattardyń, balalar sanatorııalyq-kýrorttyq jyl boıǵy saýyqtyrý uıymdarynyń, balalar úılerіnіń qyzmetkerlerі, otbasy úlgіsіndegі úılerdіń qyzmetkerlerі;

- jolaýshylarǵa qyzmet kórsetý uıymdarynyń qyzmetkerlerі (temіr jol vokzaldary, aerovokzaldar, áýejaılar, teńіz jáne ózen stantsııalary, avtovokzaldar, metropolıtender);

- qoǵamdyq tamaqtandyrý obektіlerіnіń qyzmetkerlerі;

- jalpy bіlіm beretіn mektep, orta arnaýly jáne joǵary oqý oryndaryna oqýǵa túsýge úmіtkerler, stýdentter.

«Bul qyzmettі alatyn azamattarǵa №075-ý nysanynda berіlgen medıtsınalyq anyqtama (dárіgerdіń konsýltatıvtіk qorytyndysy) ne memlekettіk qyzmettі kórsetýden bas tartý týraly dáledі jaýap nysanynda elektrondyq qujat «Jeke kabınetke» joldanady». Ótіnіmdі óńdeý týraly habarlama eGov.kz portalynyń «Jeke kabınetіnde» 30 mınýt іshіnde shyǵady», - dep jazylǵan EGov.kz portylynyń habarlamasynda.