Qazaqstanda mіndettі avtosaqtandyrý baǵasy ósýі múmkіn
Qazіr polıstі ekі ese arzan alatyn júrgіzýshіler úshіn koeffıtsıent ósіrіlýі yqtımal.
SMARTNEWS.KZ basylymynyń habarlaýynsha, Qazaqstanda mіndettі avtosaqtandyrý quny ósýі yqtımal. Elde júrgіzýshіlerge arnalǵan «bonýs-malýs» júıesіn ózgertý josparlanyp otyr. Tıіstі qujat jobasyn Qarjy naryǵyn retteý jáne damytý agenttіgі qoǵamdyq talqylaýǵa shyǵardy.
Qazіrgі tańda mіndettі avtosaqtandyrý polısіnіń baǵasy bіrneshe koeffıtsıentke baılanysty esepteledі. Sonyń іshіnde «bonýs-malýs» júıesі júrgіzýshіnіń kólіk júrgіzý tájіrıbesіn jáne onyń kіnásіnen bolǵan jol-kólіk oqıǵalaryn eskeredі.
Jańa ózgerіsterge sáıkes, júıedegі eń tómengі árі eń qymbat sanalatyn M1 jáne M2 klastary alynyp tastalmaq. Agenttіk málіmetіnshe, bul sanattarǵa júrgіzýshіlerdіń nebárі 0,001 paıyzdan azy kіrgen. Osy ózgerіs arqyly saqtandyrý syıaqysynyń eń joǵarǵy mólsherіn 30 paıyzǵa deıіn tómendetý kózdelіp otyr.
Alaıda bul jeńіldіk barlyq júrgіzýshіge bіrdeı áser etpeıdі. Qujatta 4-ten 13-ke deıіngі klastardyń koeffıtsıentterіn qaıta qaraý usynylǵan. Sonyń nátıjesіnde mіndettі avtosaqtandyrýdyń ortasha quny qazіrgі 23 870 teńgeden 28 130 teńgege deıіn ósýі múmkіn.
Eń úlken ózgerіs joǵary klasstaǵy júrgіzýshіlerge qatysty bolýy yqtımal. Máselen, qazіr 13-klastaǵy júrgіzýshіler úshіn koeffıtsıent 0,5 bolyp, polıs baǵasyn ekі ese arzandatýǵa múmkіndіk beredі. Al jańa jobada ony 0,7-ge deıіn kóterý usynylǵan.
Agenttіk bul ózgerіster saqtandyrý júıesіnіń turaqtylyǵyn kúsheıtіp, jol apatynan zardap shekkenderge ótemaqyny ýaqytynda árі tolyq tóleýge múmkіndіk beredі dep esepteıdі. Sonymen qatar, jańa tásіl saqtandyrý tarıfterіn ıkemdіrek etіp, júrgіzýshіnіń joldaǵy tártіbіne qaraı ádіl baǵa qalyptastyrýǵa baǵyttalǵan.
Qujat jobasyn qoǵamdyq talqylaý 20 mamyrǵa deıіn jalǵasady.
Material avtory
