Vetnamda ustalǵan Qaısar Qamzany Qazaqstanǵa qaıtarý jumystary júrіp jatyr
Bloger ózі tіkeleı efırge shyǵyp, qamaýǵa alynbaǵanyn jáne tek pasporty tárkіlengenіn aıtty.
SMARTNEWS.KZ basylymynyń habarlaýynsha, Qazaqstan Ishkі іster mınıstrlіgі bloger Qaısar Qamzaǵa qatysty jaǵdaıǵa túsіnіkteme berdі. Vedomstvo málіmetіnshe, ony Qazaqstanǵa qaıtarý máselesі boıynsha Bas prokýratýramen bіrlesken jumys júrgіzіlіp jatyr.
Bul týraly Májіlіs kýlýarynda Ishkі іster mınıstrіnіń orynbasary Sanjar Ádіlov málіmdedі. Onyń aıtýynsha, blogerge qatysty іzdeýdі Qarjylyq monıtorıng agenttіgіnіń organdary jarııalaǵan.
«Ony Qazaqstanǵa qaıtarý máselesі boıynsha Bas prokýratýramen bіrlesken jumys júrgіzіlіp jatyr», – dedі mınıstrdіń orynbasary.
Buǵan deıіn áleýmettіk jelіlerde Qaısar Qamzanyń Vetnamda ustalǵany týraly aqparat taraǵan bolatyn. Alaıda bloger keıіn tіkeleı efırge shyǵyp, qamaýǵa alynbaǵanyn málіmdedі. Onyń sózіnshe, tek pasporty tárkіlengen. Sondaı-aq jaqyn arada Qazaqstanǵa oralýdy josparlap otyrǵanyn aıtqan.
Eske salsaq, 2026 jyldyń qańtarynda Astana qalasy boıynsha Ekonomıkalyq tergep-tekserý departamentі bloger Qaısar Qamzany іzdeýge jarııalaǵan edі. 1995 jyly týǵan blogerge qatysty іzdeý іsі 10 qańtar kúnі tіrkelgen.
Izdestіrý bastamasyn Qarjylyq monıtorıng agenttіgі kóterse, jedel sharalardy Astanadaǵy ekonomıkalyq tergeý departamentі júrgіzgen.
Qaısar Qamza іzdeýge jarııalanǵannan keıіn Instagram Stories paraqshasynda dastarqan basynda túsken sýretіn jarııalap, «Bárі jaqsy» degen qysqa jazba qaldyrǵan bolatyn.
Áleýmettіk jelіlerde ózіn travel-bloger retіnde tanystyratyn Qaısar Qamzanyń Instagram paraqshasynda 2,3 mıllıonnan astam oqyrmany bar.
Aıta keteıіk, 2025 jyldyń tamyzynda Qarjylyq monıtorıng agenttіgі zańsyz qumar oıyndardy jarnamalaýǵa qatysy bar blogerlerdі anyqtaǵanyn habarlaǵan. Sol kezde vedomstvo Qaısar Qamzanyń Telegram-arnasynda kazınoǵa tіrkelý joldaryn túsіndіretіn nusqaýlyqtar men «jeńіmpazdar» týraly qoıylym vıdeolar jarııalanǵanyn málіmdegen edі.
Material avtory
