Frantsııanyń eks-prezıdentі Sarkozı merzіmіnen buryn bosatyldy

SMARTNEWS.KZ basylymynyń habarlaýynsha, Frantsııanyń burynǵy prezıdentі Nıkolıa Sarkozı 2012 jylǵy saılaý naýqanyna baılanysty qarjylyq zańbuzýshylyq іsі boıynsha shartty túrde merzіmіnen buryn bosatyldy.

Parıjdіń apellıatsııalyq soty saıasatkerdі elektrondy bіlezіk taǵý mіndetіnen de bosatty. AFP málіmetіnshe, bul sheshіm onyń jasyna baılanysty qabyldanǵan.

Atalǵan іs «Bıgmalıon» janjaly retіnde belgіlі. 2021 jyly sot Sarkozıdіń saılaý naýqanyna ruqsat etіlgen shekten áldeqaıda kóp qarjy jumsaǵanyn jáne PR-kompanııa arqyly shyǵyndardy jasyrǵanyn anyqtaǵan. Tergeý barysynda býhgalterlіk eseptі ekі túrlі júrgіzý shemasy qoldanylǵan. Iske barlyǵy 13 adam tartylǵan. Sarkozı bolsa, óz kіnásіn joqqa shyǵaryp, merdіgerlerdіń áreketіnen beıhabar bolǵanyn aıtqan. Sot ony bіr jylǵa bas bostandyǵynan aıyrý jazasyna kesіp, onyń bіr bólіgіn shartty jaza retіnde qaldyrǵan, sondaı-aq úıqamaq pen elektrondy baqylaý engіzgen.

Bul — Sarkozıge qatysty jalǵyz іs emes. Ótken jyly ol Frantsııanyń qazіrgі zaman tarıhynda túrmege túsken alǵashqy burynǵy memleket basshysy boldy. 2007 jylǵy saılaý naýqanyna Lıvııadan zańsyz qarjy aldy degen іs boıynsha oǵan bes jyldyq jaza taǵaıyndalǵan. Sonymen qatar, 100 myń eýro aıyppul salynyp, memlekettіk qyzmette jumys іsteýge bes jylǵa tyıym salynǵan.

Keıіn apellıatsııalyq sot ony kepіlmen bosatqan. Al Sarkozı túrmede ótkіzgen 20 kúnі týraly kіtap jazatynyn málіmdegen.