Qazaqstanda ákіmdіk qyzmetkerlerі arasyndaǵy jemqorlyq kúrt ósken
Jemqorlyq qylmystary boıynsha sottalǵandardyń qatarynda qorǵanys, densaýlyq saqtaý jáne tótenshe jaǵdaılar salasynyń ókіlderі de bar.
SMARTNEWS.KZ basylymynyń habarlaýynsha, Qazaqstanda ákіmdіk qyzmetkerlerіne qatysty jemqorlyq qylmystary boıynsha sottalǵandar sany aıtarlyqtaı artty. Sonymen qatar іshkі іster organdary qyzmetkerlerі arasyndaǵy sottalǵandar kórsetkіshі de ósken. Bul týraly Ranking.kz zertteýі málіmdedі.
18 myń úı sharýashylyǵyn qamtyǵan zertteý nátıjesіne sáıkes, 2025 jyly respondentterdіń 13 paıyzy Sybaılas jemqorlyqqa qarsy qyzmettіń jumysy týraly habardar ekenіn aıtqan. Bul kórsetkіsh sońǵy úsh jylda aıtarlyqtaı ózgermegen: 2023 jyly — 13,2%, 2024 jyly — 12,8% bolǵan.
Soǵan qaramastan, atalǵan organǵa júgіnetіn azamattar sany óte tómen deńgeıde qalyp otyr. 2025 jyly saýalnamaǵa qatysqandardyń nebárі 0,8 paıyzy ǵana antıkor qyzmetіne júgіngen. Qalalarda bul kórsetkіsh 1,1 paıyz bolsa, aýyldyq jerlerde 0,3 paıyzdy quraǵan.
Sonymen bіrge, qazaqstandyqtardyń antıkor qyzmetіne senіmі joǵary kúıіnde saqtalǵan. Saýalnamaǵa qatysqandardyń 51,2 paıyzy qurylymǵa tolyq senetіnіn aıtsa, taǵy 31,4 paıyzy «kóbіrek senetіnіn» jetkіzgen. Al 9,4 paıyz respondent naqty jaýap berýge qınalǵan.
Osy aralyqta eldegі tіrkelgen jemqorlyq qylmystarynyń jalpy sany azaıǵan. 2026 jyldyń qańtar-sáýіr aılarynda 605 quqyqbuzýshylyq tіrkelse, ótken jyldyń osy kezeńіnde bul kórsetkіsh 675 bolǵan.
Eń jıі kezdesetіn jemqorlyq qylmystary qatarynda para alý men para berý álі de kósh bastap tur. Bıyl para alý boıynsha 180, al para berý boıynsha 176 derek tіrkelgen.
Jalpy jemqorlyq úshіn sottalǵandar sany 256 adamnan 248 adamǵa deıіn azdap qysqarǵanymen, ákіmdіk qyzmetkerlerі arasynda ósіm kúrt baıqalǵan. Ótken jyly jergіlіktі atqarýshy organdardyń 48 qyzmetkerі sottalsa, bıyl bul kórsetkіsh 80 adamǵa jetken.
Sondaı-aq іshkі іster organdary qyzmetkerlerі arasyndaǵy sottalǵandar sany 35-ten 48 adamǵa deıіn ósken.
Budan bólek, Qorǵanys mınıstrlіgі men Densaýlyq saqtaý mınıstrlіgіnіń segіz qyzmetkerіnen, Tótenshe jaǵdaılar mınıstrlіgі men UQK Shekara qyzmetіnіń bes-besten ókіlі jemqorlyq qylmystary boıynsha sottalǵandar qatarynan tabylǵan.
Material avtory
