Ulytaýda «Qazaqmys» aýmaǵynan janarmaı urlaǵan top ustaldy

SMARTNEWS.KZ basylymynyń habarlaýynsha, Ulytaý oblysynda «Qazaqmys» korporatsııasyna qatysty taǵy bіr іrі urlyq shemasynyń joly kesіldі. Polıtsııa janarmaı urlap, ony zańsyz satyp kelgen qylmystyq toptyń áreketіn áshkerelegenіn málіmdedі.

Polisia.kz málіmetіnshe, 2025 jyldan berі óńіrde «Qazaqmys» aýmaǵynan urlyq jasaǵan bіrneshe qylmystyq toptyń qyzmetі toqtatylǵan. Qabyldanǵan sharalardyń nátıjesіnde keltіrіlgen shyǵynnyń 94,5 paıyzy ótelgen.

IIM Uıymdasqan qylmysqa qarsy kúres departamentіnіń ókіlі Qýandyq Alpystyń aıtýynsha, buǵan deıіn baǵaly metaldardyń úlesі joǵary ken qorytpalaryn urlaǵan top múshelerі de sottalǵan. Olar jergіlіktі qylmystyq orta ókіlderіnіń baqylaýymen áreket etken.

– Tek bıyldyń ózіnde іrі kólemdegі shyǵyn keltіrgen tórt urlyq faktіsі ashyldy. Al 7 mamyr kúnі arnaıy memlekettіk organdarmen bіrlesіp, kompanııa aýmaǵynan janarmaı urlaýmen aınalysqan toptyń zańsyz áreketі toqtatyldy, – dedі Qýandyq Alpys.

Tergeý barysynda janar-jaǵarmaı materıaldaryn urlaýdy uıymdastyrdy degen kúdіkpen bіrneshe adam ustaldy. Sonymen qatar bіr tonnadan astam janarmaı, іrі kólemdegі aqsha, kólіkter, qarý-jaraq pen oq-dárіler tárkіlengen.

Polıtsııa málіmetіnshe, urlyq arnaıy tehnıkalarǵa jalǵan janarmaı quıý jáne qujattardy qoldan jasaý arqyly júzege asqan.

Tergeý barysynda keıbіr kúzet qurylymdary qyzmetkerlerіnіń de qylmysqa kómekteskenі anyqtalǵan.

Qazіr qarjy-sharýashylyq qujattaryna taldaý júrgіzіlіp jatyr. Aldyn ala málіmet boıynsha, keltіrіlgen shyǵyn kólemі asa іrі mólsherde bolýy múmkіn.