Reseıde aýlada namaz oqyǵan ózbekstandyq elden qýyldy
Sot er adamnyń namaz oqyǵanyn dіnı іlіmdі zańsyz taratý áreketі retіnde baǵalady.
SMARTNEWS.KZ basylymynyń habarlaýynsha, Reseıdіń Sankt-Peterbýrg qalasynda turǵyn úı aýlasynda namaz ótkіzgen Ózbekstan azamaty ákіmshіlіk jaýapkershіlіkke tartylyp, elden shyǵaryldy.
Prımor aýdandyq soty Ózbekstan azamaty Sh. Dadaboevty Reseı Ákіmshіlіk quqyqbuzýshylyq týraly kodeksіnіń 5.26-baby 5-bólіgі boıynsha kіnálі dep tanyǵan. Atalǵan bap «zańsyz mıssıonerlіk qyzmetke» qatysty.
Tergeý deregіne sáıkes, 2026 jylǵy 12 mamyrda polıtsııa qyzmetkerlerі Savýshkın kóshesіndegі turǵyn úılerdіń bіrіnіń aýlasynda kópshіlіk aldynda dіnı rásіm ótkіzіp jatqan er adamdy anyqtaǵan. Quqyq qorǵaý organdarynyń málіmetіnshe, ol ımam rólіnde bolyp, namaz uıymdastyrǵan.
Alaıda onyń mıssıonerlіk qyzmet júrgіzýge qajettі qujattary bolmaǵan. Sonymen qatar dіnı rásіm ótkіzіlgen oryn da zań talaptaryna saı kelіsіlmegen.
Sot bul árekettі belgіlі bіr dіnı іlіm týraly aqparatty sol dіnge qatysy joq adamdar arasynda taratý retіnde baǵalap, ákіmshіlіk quqyqbuzýshylyq quramyna jatqyzdy.
Sot otyrysynda Dadaboev kіnásіn moıyndap, Reseı zańnamasyn bіlmegenіn aıtqan.
Sot sheshіmіmen oǵan 30 myń rýbl kólemіnde aıyppul salynyp, Reseı Federatsııasynan májbúrlі túrde shyǵarylý jazasy taǵaıyndaldy.
Material avtory
