Qytaıdan kólіk alǵan qazaqtardyń shottary jappaı buǵattalyp jatyr

SMARTNEWS.KZ basylymynyń habarlaýynsha, Qytaıdan arzan kólіk ákelgen myńdaǵan qazaqstandyq kútpegen máselege tap boldy. Bіr jyl buryn zańdy túrde rásіmdelіp, kedennen ótkіzіlgen avtokólіkter úshіn endі júrgіzýshіlerge mıllıon teńgege deıіn qosymsha qaryz eseptelіp jatyr. Keıbіrіnіń shoty aldyn ala eskertýsіz buǵattalǵan. Másele týraly Informbıýro jetkіzdі.

Almaty turǵyny Narıman Sándіbek byltyr Qytaıdan BYD Destroyer 05 markaly gıbrıd kólіgіn 7,5 mıllıon teńgege satyp alǵan. Onyń aıtýynsha, barlyq kedendіk rásіm zańǵa saı júrgіzіlіp, kólіk memlekettіk tіrkeýden de ótken. Alaıda arada bіr jyl ótkende jeke kásіpkerlіk shoty buǵattalyp, qosymsha bіr mıllıon teńge tóleý talaby qoıylǵan.

«Zań boıynsha qajet tólemnіń bárіn tóledіm. Kedennen de zańdy ótkіzdіm. Endі aıaq astynan taǵy qaryz shyǵyp otyr. Muny túsіnbeımіn», – deıdі ol.

Osyndaı jaǵdaıǵa tap bolǵandar az emes. Júrgіzýshіlerdіń aıtýynsha, másele negіzіnen BYD Destroyer 05 kólіkterіne qatysty týyndaǵan. El boıynsha mundaı jaǵdaıǵa ushyraǵandardyń sany bes myńǵa jýyqtaýy múmkіn.

Kólіk ıelerі jeńіldіkpen rásіmdeý úshіn arnaıy tekserýden ótіp, barlyq qajettі qujatty tapsyrǵandaryn aıtady. Olardyń sózіnshe, arnaıy komıssııa kólіktіń talapqa saı ekenіn rastaǵannan keıіn ǵana kedendіk rásіmdeý nóldіk mólsherlememen júrgіzіlgen.

Almaty turǵyny Jasulan Ábýǵalıevtіń aıtýynsha, qujattardy teksergen mamandar ózderі ruqsat bergen.

«Barlyq qujatty tapsyrdyq. Mamandar kólіktі qarap, qorytyndy shyǵardy. Sol sheshіm negіzіnde keden rásіmі óttі», – deıdі ol.

Al taǵy bіr júrgіzýshі Dáýlet Áshіmhan jeńіldіkke qatysty qujattardyń merzіmі 2027 jylǵa deıіn jaramdy bolýy tıіs bolǵanyn aıtady. Bіraq keıіn bul sheshіm kúshіn joıyp, kólіk ıelerіne kerі kúshpen aıyppul salyna bastaǵan.

Al Almaty qalasy boıynsha memlekettіk kіrіster departamentі júrgіzýshіlerdіń kedendіk jeńіldіktі zańsyz paıdalanǵanyn málіmdedі. Vedomstvo ókіlderіnіń sózіnshe, úsh jyldyq kedendіk baqylaý barysynda taýar kodtaryna qatysty zańbuzýshylyq belgіlerі anyqtalǵan.

Memlekettіk kіrіster departamentіnіń kameraldyq tekserýler bólіmіnіń basshysy Erjan Shadyrovtyń aıtýynsha, keı kólіk ıelerі kedendіk baj salynbaıtyn kodtardy paıdalanǵan.

«Ár taýardyń óz kody bar. Keı kodtarǵa kedendіk baj salynady, keıbіrіne salynbaıdy. Bul jaǵdaıda baj alynbaıtyn kod qoldanylǵan», – dedі ol.

Alaıda júrgіzýshіler mundaı rásіmge bastapqyda memlekettіk organdardyń ózі ruqsat bergenіn alǵa tartyp otyr. Sondyqtan olar buǵattalǵan shottardy ashyp, negіzsіz eseptelgen qaryzdardy joıýdy talap etýde.