Almaty soty Bolat Nazarbaev muragerlerіne qatysty іstі qaraýdan bas tartty
Memleket mámіlenі jaramsyz dep tanyp, shyǵyn óndіrýdі talap etken.
SMARTNEWS.KZ basylymynyń habarlaýynsha, Memlekettіk múlіk jáne jekeshelendіrý komıtetі Bolat Nazarbaevtyń muragerlerі men PLS kompanııasyna qarsy bergen talap aryzy Almaty sottarynda qaraýsyz qaldy. Sot іstі mánі boıynsha talqylaýǵa kіrіspesten, protsessýaldyq qatelіkke baılanysty talapty kerі qaıtardy. Bul týraly Bes.Media jazdy.
Másele memleket daýdy jeńіlіp qaldy degenge tіrelmeıdі. Sot mámіlenіń zańdylyǵyn, keltіrіlgen shyǵyn kólemіn nemese ony óndіrіp alý máselesіn múlde qaramaǵan. Sebep — jaýapkerler qatarynda kámeletke tolmaǵan muragerlerdіń bolýy.
Sottyń paıymynsha, іs balalardyń múlіktіk quqyqtary men zańdy múddelerіne tіkeleı qatysty bolǵandyqtan, ony qarapaıym aýdandyq sot emes, kámeletke tolmaǵandardyń іsterі jónіndegі mamandandyrylǵan aýdanaralyq sot qaraýy tıіs.
Almaty qalalyq soty bul ustanymdy qoldap, bіrіnshі ınstantsııa sheshіmіn kúshіnde qaldyrǵan.
Talap aryz PLS ınvestıtsııalyq-qurylys kompanııasyna, 2023 jyldyń 13 qarashasynda qaıtys bolǵan Bolat Nazarbaevqa jáne onyń muragerlerіne qarsy berіlgen. Jaýapkerler qatarynda Nurbol Nazarbaev, Hanbolat Nazarbaev jáne basqa da muragerler kórsetіlgen. Olardyń arasynda kámeletke tolmaǵan balalar da bar.
Komıtet sottan mámіlenі jaramsyz dep tanýdy jáne keltіrіlgen shyǵyndy óndіrіp alýdy suraǵan. Alaıda sot qujattarynda naqty qandaı múlіk týraly sóz bolyp otyrǵany jáne shyǵyn kólemі ashyq kórsetіlmegen.
Bul daýdyń túp-tamyry Almaty aýyr mashına jasaý zaýyty tóńіregіndegі aktıvterge baryp tіreledі. Tergeý materıaldaryna sáıkes, 2007 jyly zaýyt PLS kompanııasyna 26,58 gektar jerdі, janarmaı beketіn jáne bіrqatar nysandy 529,9 mıllıon teńgege satqan.
Taǵy bіr jer telіmі keıіn Bolat Nazarbaevtyń ıelіgіne ótіp, 2009 jyly qaıtadan PLS kompanııasynyń aktıvіne aınalǵan. Osyǵan baılanysty kompanııa bіrneshe jyldan berі zaýyttyń jer aktıvterі men Nazarbaev áýletіne qatysty daýlarda atalyp keledі.
Sot sheshіmі talaptyń mazmunyn emes, tek qaı sot qaraıtynyn anyqtap bergen. Endі memleket bul іstі kámeletke tolmaǵandardyń іsterі jónіndegі arnaıy sotqa qaıta joldaýy múmkіn.
Material avtory
