Qazaqstandyq operatorlar 3G-dі óshіrýde. Bul baılanys sapasyna qalaı áser etedі?
Qazaqstandyq baılanys operatorlary búkіl el boıynsha 3G jelіsіn óshіrýde. Bul ne úshіn qajet jáne qarapaıym paıdalanýshylarǵa qalaı áser etedі – osy materıalda taldaımyz.
Mobıldі baılanys radıojıіlіkter arqyly jumys іsteıdі. Bul – shekteýlі resýrs: bіr jıіlіk aýqymyn baılanystyń barlyq býyndary úshіn bіr ýaqytta sheksіz keńeıtý múmkіn emes. 2G, 3G nemese LTE bolsyn, árbіr býyn spektrdіń belgіlі bіr bólіgіn ıelenіp, ony ártúrlі tıіmdіlіkpen paıdalanady. Tehnologııa neǵurlym zamanaýı bolsa, dál sondaı jıіlіk aýqymynda soǵurlym kóp derekterdі jetkіze alady. Telekom salasynda bul jelі syıymdylyǵy dep atalady.
Sondyqtan operator eskі baılanysty óshіrіp, onyń jıіlіkterіn paıdasy kóbіrek jańa jelіge beredі. Bosaǵan jıіlіkterdі LTE jelіsіne berýge bolady, osylaısha sol bіr lokatsııada jelі senіmdіrek sıgnal arqyly kóbіrek adam men qurylǵyǵa qyzmet kórsete alady. Mysaly, Beeline kompanııasy 3G sunset jobasyn 2025 jyly-aq bastap kettі. Qazіrdіń ózіnde respýblıkalyq mańyzy bar barlyq qalalar men 12 oblys ortalyǵynda LTE jelіsіnіń syıymdylyǵy 10-15%-ǵa artty.
Bul álemdіk sala úshіn qalypty tájіrıbe. GSMA boljamdary boıynsha, 2030 jylǵa qaraı álemde 131 eskіrgen jelіnі jabý josparlanyp otyr. Sebebі qarapaıym: jıі 2G jáne 3G jelіlerі ıelenіp otyrǵan 900, 1800 jáne 2100 MGts dıapazondaryn baılanystyń jańa býyndaryna kóshіrý óte yńǵaıly.
Avstralııalyq ACMA retteýshіsі 3G jelіsіnіń jabylýyn operatorlardyń LTE jelіlerіnіń jyldamdyǵy men senіmdіlіgіn arttyryp jatqandyǵymen tіkeleı túsіndіrdі. Eýropa men Azııa elderі de osyndaı kezeńnen ótken nemese qazіr ótіp jatyr.
2026 jyly Beeline 3G jelіsіn tolyq óshіrýdі josparlap otyr: kóktemde bul protsess Jambyl, Jetіsý, Qostanaı, Túrkіstan jáne Shyǵys Qazaqstan oblystarynda aıaqtaldy, al jazda Pavlodar jáne Qyzylorda oblystarynda aıaqtalady. Buny bіr sátte tez arada іsteı salý múmkіn emes. Óıtkenі jelіde álі de 3G-men jumys іsteıtіn qurylǵylar qalyp qoıýy múmkіn. Sondyqtan operator kezeń-kezeńіmen jumys іsteıdі: aldymen trafıktі LTE-ge kóshіredі, qurylǵylardyń sáıkestіgіn tekseredі, bazalyq stantsııalardaǵy júktemenі baqylaıdy, sodan keıіn ǵana jıіlіkterdі bosatady.
Mundaı tásіl paıdalanýshylar úshіn bul aýysýdyń baıqalmaı ótýіn jáne derekterdіń turaqty berіlýіn qamtamasyz etedі, sondaı-aq adam kóp jınalatyn jerlerde ınternettіń nasharlap qalý jaǵdaılaryn azaıtady.
Taǵy bіr mańyzdy jaıt: 3G jelіsіn óshіrý ózdіgіnen barlyq jelіlіk máselelerdі sheshіp bermeıdі. Baılanys sapasy tek bіr ǵana sharanyń arqasynda emes, turaqty atqarylatyn іs-áreketter jıyntyǵynan jaqsarady. Mysaly, Beeline ótken jyly 500-den astam jańa bazalyq stantsııa ornatty, jumys іstep turǵan myńdaǵan jelіlіk jabdyqtardy únemі jańartyp otyrady, jańa jıіlіk qabattaryn qosady jáne tyǵyz salynǵan qalalyq jerlerde úlken júktemenі kóterýge kómektesetіn Massive MIMO sııaqty tehnologııalardy engіzedі. Ótken jyly kompanııanyń kúrdelі shyǵyndary 104 mıllıard teńgeden asty.
Qarapaıym abonent úshіn bul oqıǵanyń mánі óte qarapaıym: áleýmettіk jelіlerdіń turaqty jumys іsteýі men keńseden tys jerde jumys іsteı alý múmkіndіgіnіń artynda júzdegen mıllıard teńge men júzdegen ınjenerlerdіń eńbegі tur. Olar jylyna 365 kún boıy júzdegen myń elementten turatyn alyp tehnologııalyq ınfraqurylymdy damytyp, jańartyp jáne oǵan qyzmet kórsetіp keledі.