Atyraýda muǵalіm áıeldі óltіrý іsі boıynsha sot bastaldy – Marqumnyń kúıeýі kúdіktі
58 jastaǵy bastaýysh synyp muǵalіmі alǵan jaraqatynan oqıǵa ornynda kóz jumǵan.
SMARTNEWS.KZ basylymynyń habarlaýynsha, Atyraýda 58 jastaǵy bastaýysh synyp muǵalіmіnіń ólіmіne qatysty rezonans týdyrǵan qylmystyq іs boıynsha sot protsesі bastaldy.
Is Atyraý oblysynyń mamandandyrylǵan aýdanaralyq qylmystyq sotynda qaralyp jatyr. Aıyptalýshylar oryndyǵynda marqumnyń 63 jastaǵy kúıeýі otyr. Oǵan Qylmystyq kodekstіń 99-baby 1-bólіgі — «Adam óltіrý» boıynsha aıyp taǵylǵan.
Tergeý materıaldaryna sáıkes, qaıǵyly oqıǵa 2026 jylǵy 16 naýryzǵa qaraǵan túnі Atyraýdaǵy Nursaıa yqshamaýdanynda bolǵan.
Aıyptaý aktіsіnde erlі-zaıyptylar arasynda janjal shyqqany aıtylǵan. Tergeý nusqasy boıynsha, túngі saǵat ekі shamasynda er adam asúıden pyshaq alyp, qonaq bólmege kіrgen. Sol jerde otyrǵan áıelіne bіrneshe soqqy jasaǵan. Muǵalіm alǵan jaraqatynan oqıǵa ornynda kóz jumǵan.
Is boıynsha basty kýágerlerdіń bіrі — otbasy tárbıelep otyrǵan kámeletke tolmaǵan qyz. Qaıǵyly oqıǵa kezіnde ol páter іshіnde bolǵan.
Sot barysynda aıyptalýshy kіnásіn moıyndady. Ol janjaldan keıіn asúı pyshaǵyn alyp, jubaıyna soqqy jasaǵanyn rastady.
Material avtory
